Þau tvö sem létust í bílslysi á þjóðveginum við Skaftafell síðastliðinn föstudag voru pólskir ferðamenn.
Þetta staðfestir Sveinn Kristján Rúnarsson, yfirlögregluþjónn á Suðurlandi. Hann segir rannsókn málsins miða ágætlega. Unnið sé að því þessa dagana að taka skýrslur af eftirlifendum slyssins og vitnum.
Slysið varð þegar tveir bílar skullu saman við afleggjarann að Skaftafelli. Þrír pólskir ferðamenn voru í öðrum þeirra, en fimm Íslendingar í hinum. Hin sex voru flutt til aðhlynningar í Reykjavík með þyrlum Landhelgisgæslunnar, en þó ekki alvarlega slösuð, samkvæmt upplýsingum frá lögreglu.
Lögregla á Suðurlandi rannsakar enn tildrög banaslyss sem varð á þjóðveginum við Skaftafell í gærmorgun. Börn eru á meðal þeirra sex sem flutt voru með þyrlu á Landspítalann í Fossvogi eftir slysið.
Sex af þeim átta sem slösuðust í árekstri á hringveginum nærri Svínafellsjökli eru á leiðinni til Reykjavíkur með tveimur þyrlum Landhelgisgæslunnar. Von er á þeim á Landspítalann í Fossvogi upp úr klukkan eitt.
