Innlent

Mann­réttinda­dóm­stóllinn vísar máli Hussein frá

Magnús Jochum Pálsson skrifar
Hussein Hussein, ásamt fjölskyldu sinni. Sajjad Hussein, Yasameen Hussein, Maysoon Al Saedi, Zahraa Hussein. Þau eru öll nú í Grikklandi.
Hussein Hussein, ásamt fjölskyldu sinni. Sajjad Hussein, Yasameen Hussein, Maysoon Al Saedi, Zahraa Hussein. Þau eru öll nú í Grikklandi. Vísir/Vilhelm

Mannréttindadómstóll Evrópu hefur lýst kæru íranska hælisleitandans Hussein Hussein og fjölskyldu hans ótæka til efnismeðferðar og vísað henni frá. Einnig hefur dómstóllinn ákveðið að aflétta bráðabirgðastöðvun á flutningi Hussein frá Íslandi til Grikklands. 

Þetta kemur fram í tilkynningu á vef dómsmálaráðuneytisins. Þar segir að Mannréttindadómstóll Evrópu hafi greint ríkislögmanni fyrir hönd íslenska ríkisins frá afléttingu bráðabirgðastöðvunarinnar og niðurfellingu kærunnar.

Í tilkynningu dómsmálaráðuneytisins segir að fjölmiðlar hafi á fyrri stigum haldið almenningi upplýstum um gang þessa dómsmáls og það hlotið töluverða athygli. Því þyki rétt að upplýsa um málalyktir.

Íslensk stjórnvöld synjuðu fjölskyldunni upprunalega um alþjóðlega vernd hér á landi á þeim forsendum að þau væru þegar með slíka vernd í Grikklandi. Kæra fjölskyldunnar til Mannréttindadómstóls Evrópu byggði á því að málsmeðferð íslenskra stjórnvalda og brottvísun fjölskyldunnar úr landi hefði falið í sér brot á réttindum þeirra samkvæmt mannréttindasáttmála Evrópu. 

äÁkvörðun dómstólsins um að taka kæruna ekki til efnismeðferðar er endanleg,“ segir í tilkynningu dómsmálaráðuneytisins.

Mannréttindadómstóll Evrópu Flóttamenn Hælisleitendur Mál Hussein Hussein Málefni fatlaðs fólks Mannréttindi

Tengdar fréttir

Hussein yfir­gaf Ísland á­samt fjöl­skyldu sinni

Hælisleitandinn Hussein Hussein, sem er í hjólastól, ákvað á síðustu stundu að yfirgefa Ísland og fór með fjölskyldu sinni til Grikklands í gær. Fjölskylduvinur segir að Hussein hafi ekki getað hugsað sér að dvelja hér án fjölskyldu sinnar, sem vísað var úr landi. Aðstæður séu ömurlegar hjá þeim úti.

Óttast að Hussein verði „einn í íbúðinni, fastur í rúminu“

ÖBÍ réttindasamtök fordæma ómannúðlega ákvörðun íslenska ríkisins um að skilja Hussein Hussein, fatlaðan umsækjanda um alþjóðlega vernd, frá fjölskyldu sinni. Lögfræðingur fjölskyldunnar segir Hussein ekki tryggð nein þjónusta við brottför fjölskyldunnar. 

Leitar að hjóla­stóla­vænum bíl fyrir brott­vísanir

Ríkislögreglustjóri bindur vonir við að embættið geti fest kaup á eða leigt bifreið, sem hentar fólki sem notast við hjólastól, á fyrri hluta þessa árs. Slíka bifreið sé nauðsynlegt fyrir embættið að hafa þurfi það að flytja einstaklinga í hjólastól.

Brottvísun Husseins fer fyrir Landsrétt

Dómsmálaráðuneytið áfrýjaði dómi Héraðsdóms Reykjavíkur sem felldi úr gildi úrskurð kærunefnda útlendingamála um brottvísun Husseins Husseins, fatlaðs flóttamanns frá Írak, til Landsréttar. Lögmaður Husseins segir miður að dómnum verði áfrýjað enda hafi hann verið í stíl við annan nýlegan dóm.

Hussein kominn til landsins og fagnaði sigri í héraðsdómi

Héraðsdómur Reykjavíkur komst að þeirri niðurstöðu að úrskurður kærunefndar útlendingamála sem synjaði Hussein Hussein, hælisleitanda frá Írak, og fjölskyldu hans um endurupptöku á hælisumsókn hafi byggst á ólögmætum rökum. Felldi hann úrskurðinn úr gildi.

Segir réttinda Hussein ekki gætt við handtöku

Freyja Haraldsdóttir, réttindagæslumaður fatlaðs fólks á höfuðborgarsvæðinu, segir áhyggjuefni að Hussein Hussein, fötluðum flóttamanni frá Írak, hafi ekki verið gefinn beinn aðgangur að réttindagæslu- og lögmanni eftir handtöku. Lögmaður Husseins undirbýr nú kæru til Mannréttindadómstóls Evrópu vegna málsins. 

Hand­­tekin og vísað úr landi án nokkurs fyrir­­vara þrátt fyrir veikindi

Hópur lögreglumanna vaktaði heimili fimm manna fjölskyldu frá Írak sem búsett er hér á landi en til stendur að vísa þeim úr landi. Claudia Wilson, lögmaður fjölskyldunnar lýsir yfir áhyggjum sínum vegna brottvísunarinnar, þá sérstaklega vegna hrakandi heilsu Hussein sem er fatlaður og notar hjólastól.

Mest lesið


Fleiri fréttir

Sjá meira


×

Mest lesið