Tónlist

Ís­landi nú spáð þriðja sæti í Euro­vision

Hallgerður Kolbrún E. Jónsdóttir skrifar
Bashar Murad keppir í Söngvakeppni sjónvarpsins.
Bashar Murad keppir í Söngvakeppni sjónvarpsins. Vísir/Vilhelm

Íslandi er nú spáð þriðja sæti í Eurovision, sem fer fram í Malmö í Svíþjóð 7. til 9. maí næstakomandi. Það er stökk úr 18. sæti frá því í gær og má rekja stökkið til frétta af því að hinn palestínski Bashar Murad taki þátt í Söngvakeppni sjónvarpsins. 

Enn er ekki búið að velja framlag Íslands en tilkynnt var í vikunni að RÚV hafi rofið tengsl söngvakeppninnar og Eurovision. Það kemur því til ákvörðunar eftir að úrslit Söngvakeppninnar liggja fyrir hvort framlag Íslands verði sent út til Malmö.

Íslandi er nú spáð þriðja sæti í keppninni á eftir Úkraínu og Bretlandi. Eurovision World

Gera má ráð fyrir að þetta mikla stökk sem Ísland hefur tekið í veðbönkum megi rekja til fréttar Vísis í gær um að palestínski tónlistarmaðurinn Bashar Murad muni keppa í Söngvakeppninni. Murad er búsettur í Austur-Jerúsalem og ætti að vera Íslendingum nokkuð kunnur en hann gaf út lag með hljómsveitinni Hatara eftir Eurovision ævintýri hennar í Tel Aviv árið 2019. 

Í morgun var Ísland komið í sjöunda sæti í veðbönkum en fyrir það hafði það setið í 18. og 20. sæti. Keppendur í Söngvakeppninni verða kynntir formlega til sögunnar á laugardag en forkeppnin hér heima hefst 17. febrúar næstkomandi á RÚV. 

Eurovision Ríkisútvarpið Átök í Ísrael og Palestínu

Tengdar fréttir

Ákvörðun RÚV „skrípaleikur“ og „fáránleg“

Íslendingar vilja margir hverjir að Ísland taki ekki þátt í Eurovision vegna þátttöku Ísraels í keppninni. Palestínumaður mun taka þátt í undankeppninni hér á landi í næsta mánuði. 

Palestínumaðurinn Bashar Murad keppir í Söngvakeppninni

Palestínski tónlistarmaðurinn Bashar Murad mun keppa í Söngvakeppni sjónvarpsins. Murad er landsmönnum kunnugur en hann gaf út lag með hljómsveitinni Hatara, eftir Eurovision ævintýri sveitarinnar í Tel Aviv árið 2019.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.