Körfubolti

Tómas Valur ekki í hóp í kvöld en spilar fyrsta lands­leikinn í Tyrk­landi

Óskar Ófeigur Jónsson skrifar
Bræðurnir Styrmir Snær og Tómas Valur Þrastarsynir þurfa að bíða aðeins eftir fyrsta A-landsleiknum saman.
Bræðurnir Styrmir Snær og Tómas Valur Þrastarsynir þurfa að bíða aðeins eftir fyrsta A-landsleiknum saman. Vísir/Vilhelm

Búið er að ákveða hvaða tólf leikmenn glíma við Ungverja á fjölum Laugardalshallarinnar í kvöld.

Bræðurnir Styrmir Snær og Tómas Valur Þrastarsynir fá ekki að spila saman á móti Ungverjalandi í fyrsta leik Íslands í undankeppni EM 2025 en Craig Pedersen hefur valið hóp fyrir kvöldið.

Tómas Valur er eini nýliðinn í hópnum en hann er utan hópsins að þessu sinni. Stymir er með.

Martin Hermannsson spilar sinn fyrsta landsleik í tvö ár og Keflvíkingurinn Sigurður Pétursson er í hópnum.

Haukur Helgi Pálsson, Álftanesi, Sigtryggur Arnar Björnsson, Tindastól og Ragnar Ágúst Nathanaelsson, Hamri eru meiddir og geta ekki leikið í þessum glugga.

Í frétt á heimasíðu KKÍ kemur fram að Tómas Valur og Hjálmar Stefánsson koma inn í liðið fyrir leikinn úti í Tyrklandi á sunnudaginn fyrir tvo leikmenn í kvöld.

  • Landslið Íslands verður þannig skipað í kvöld:
  • Elvar Már Friðriksson · PAOK, Grikklandi · 68
  • Hilmar Smári Henningsson · Eisbären Bremerhaven, Þýskalandi · 14
  • Jón Axel Guðmundsson · CB Lucentum Alicante · 30
  • Kristinn Pálsson · Valur · 31
  • Kristófer Acox · Valur · 51
  • Martin Hermannsson · Alba Berlin, Þýskaland · 73
  • Orri Gunnarsson · OCS Swans Gmunden, Austurríki · 5
  • Sigurður Pétursson · Keflavík · 2
  • Styrmir Snær Þrastarson · Belfius Mons-Hainaut, Belgíu · 14
  • Tryggvi Snær Hlinason · Bilbao Basket, Spánn · 63
  • Þórir Guðmundur Þorbjarnarson · Tindastóll · 27
  • Ægir Þór Steinarsson · Stjarnan · 85
Landslið karla í körfubolta EM 2025 í körfubolta

Tengdar fréttir

„Ef ekki núna, hvenær þá?“

Jón Axel Guðmundsson er einn leikmanna íslenska liðsins sem þurfti að stíga fram og taka á sig meiri ábyrgð í fjarveru Martins Hermannssonar undanfarin ár og hann hefur á þessum tíma orðið að algjörum lykilmanni í íslenska liðinu.

„Ég er búinn að bíða eftir þessu mómenti mjög lengi“

Þetta er stór dagur fyrir íslenska körfuboltalandsliðið og ekki síst fyrir Martin Hermannsson sem snýr í kvöld til baka í íslenska landsliðið þegar liðið mætir Ungverjum í Laugardalshöllinni í undankeppni EM 2025.

„Þetta er búið að vera dásamlegt upp á síðkastið“

Tryggvi Snær Hlinason og félagar í íslenska körfuboltalandsliðinu spila mikilvægan leik í Laugardalshöllinni í kvöld þegar þeir fá Ungverja í heimsókn í undankeppni EM. Þetta er fyrsti leikur liðsins í keppninni og mótherjarnir eru helstu keppinautar íslensku strákanna um laust sæti á Eurobasket 2025.

Bræður á stóra sviðinu: Ósammála um hvor sé betri

Bræðurnir Styrmir Snær og Tómas Valur Þrastarsynir eru í landsliðshópi karla í körfubolta sem hefur nýja undankeppni í vikunni. Þeir njóta sín vel saman með landsliðinu en eru ósammála um hvor þeirra sé betri.

Mest lesið


Fleiri fréttir

Sjá meira


×

Mest lesið