„Upp með hökuna og áfram gakk“ Margrét Björk Jónsdóttir skrifar 2. apríl 2024 21:13 Félagarnir Eiríkur og Sigurður fögnuðu tímamótum í dag þegar frystitogarinn Tómas Þorvaldsson lagðist að bryggju í Grindavík í fyrsta sinn í fimm mánuði. Vísir/Margrét Björk Skipstjóri fyrsta frystitogarans sem landaði í Grindavík í morgun í fyrsta sinn í fimm mánuði segir blendnar tilfinningar fylgja tímamótunum. Hann fékk ryk í augun þegar skipið sigldi að landi. Útgerðarstjóri segir tilfinninguna gríðarlega góða og gleðilegt að líf sé að færast í bæinn. Frystitogarinn Tómas Þorvaldsson GK10 sem segja má með sanni að sé flaggskip Grindvíkinga kom til löndunar í Grindavík í morgun í blíðskaparveðri. „Þetta er fyrsta togaralöndunin frá því að það urðu hérna smá læti 10. nóvember,“ segir Eiríkur Óli Dagbjartsson, útgerðarstjóri hjá Þorbirni hf. Aflinn var um 750 tonn upp úr sjó, eða 500 tonn af afurðum, ýmist þorsk, ýsu, ufsa eða karfa. Verðmæti túrsins eru tæplega 300 milljónir. Gert er ráð fyrir að löndunin taki tvo daga. Eiríkur segir fyllsta öryggis gætt og grannt sé fylgst með veðurspám og hugsanlegri gasmengun frá eldgosinu. Þá segist hann skynja bjartsýni meðal Grindvíkinga vegna þessara tímamóta og vonast eftir bjartari tíð eftir allt sem á undan er gengið. „Þetta er að gleðja marga, heyrist mér. Það færist svolítið meira líf í bæinn, það er ýmislegt í gangi. Ein frystitogaralöndun, þetta skiptir máli. Við erum ánægðir með það.“ „Við erum alltaf að koma heim“ Eiríkur og eiginkona hans, Sólveig, sváfu um páskana í fyrsta sinn heima hjá sér í Grindavík frá því að bærinn var rýmdur vegna jarðhræringa þann 10. nóvember. Hann segir það hafa verið algjörlega dásamlegt og að nóttunum muni vonandi fjölga. Annars sé hljóðið í Grindvíkingum afskaplega misjafnt þessa dagana. „Þú getur fundið alla flóruna. Margir eru því miður farnir og koma ekkert aftur, en svo er alveg slatti af svona þverhausum eins og ég og konan mín og mjög margir aðrir, sem bara ætla sér að koma aftur. Það er einfaldlega þannig að það er ekkert sem toppar þennan bæ fyrir okkur sem þekkjum ekkert annað. Svo við erum alltaf að koma heim.“ Yndisleg tilfinning en skrítin að koma heim Sigurður Jónsson, skipstjóri á Tómasi Þorvaldssyni var nokkuð sáttur með túrinn en blendnar tilfinningar fylgdu þó heimkomunni. „Þetta var fínasti túr. Bara hefðbundinn verðtíðartúr. Maður vill alltaf fá meiri fisk, það er aldrei nóg, en bara fínt. Gott að koma hingað líka.“ Já, var ekki gott að koma heim? „Æðislegt. Það var bara þannig. Skrítið samt. Ég fékk alveg ryk í augun, þetta er ekkert einfalt.“ Aukin vöktun og gæsla er viðhöfð við höfnina í Grindavík þessa dagana vegna aðstæðna. Vísir/Margrét Björk Sigurður segir tilfinninguna hafa verið afar sérstaka að sigla inn að bænum og horfa á eldgos í nokkurra kílómetra fjarlægð. „En á sama tíma var magnað að horfa á þessa varnargarða sem eru búnir að bjarga okkur, það er bara svoleiðis, þeir eru búnir að bjarga okkur. Þetta fólk sem er búið að vera að sinna þessu og gera þetta eiga heiður skilinn.“ Eiríkur tekur undir orð Sigurðar. Það er algjört þrekvirki sem þessir gröfukallar og jarðýtumenn eru búnir að vinna hérna undanfarnar vikur og mánuði. Menn og konur. Þetta eru jaxlar. Með hækkandi sól og vori í lofti vonast þeir til að á næstu mánuðum fari að færast enn meira líf í bæinn. „Við fundum það áðan þegar við sátum saman á Vörinni í hádeginu, þá kom þetta hugarfar „upp með hökuna, áfram gakk og bros á vör,“ segir Sigurður. Þeir félagar eru sammála um að Grindvíska samfélagið sé einstakt og vilja ekkert heitar en að snúa aftur heim. „Þetta er allt háð náttúrunni og hennar duttlingum. Við vonum innilega að hún slaki þannig á að við eigum afturkvæmt. Vegna þess að þetta er bara dásamlegur staður. Ég vona að öllum finnist það, sama hvar þeir eiga heima, en Grindavík, grindvíkingar, þetta er alveg magnað,“ segir Eiríkur Óli að lokum. Grindavík Eldgos og jarðhræringar Eldgos á Reykjanesskaga Náttúruhamfarir Mest lesið Lofar látum og vísar gagnrýni Samtaka atvinnulífsins á bug Innlent „Fyrst og fremst erum við að biðja um að fá að vera skráð í okkar hús“ Innlent Flugumferðarstjórar aflýsa vinnustöðvunum á morgun og laugardag Innlent Brunaði austur til að finna litla frænda Innlent Starfsmenn Kubbs og Terra grunaðir um samráð Innlent Þriggja ára fangelsi eftir flug frá Berlín Innlent Pallborðið: Dómgreindarbrestur hjá CoolBet Innlent Klórar sér í kollinum yfir kvennaverkfallinu Innlent Fann aldagamlan mun, brást hárrétt við og langar að gerast fornleifafræðingur Innlent Gagnrýna lítinn fyrirvara á skipulagi kvennafrídagsins Innlent Fleiri fréttir Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Dómgreindarbrestur hjá CoolBet Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play Sjá meira
Frystitogarinn Tómas Þorvaldsson GK10 sem segja má með sanni að sé flaggskip Grindvíkinga kom til löndunar í Grindavík í morgun í blíðskaparveðri. „Þetta er fyrsta togaralöndunin frá því að það urðu hérna smá læti 10. nóvember,“ segir Eiríkur Óli Dagbjartsson, útgerðarstjóri hjá Þorbirni hf. Aflinn var um 750 tonn upp úr sjó, eða 500 tonn af afurðum, ýmist þorsk, ýsu, ufsa eða karfa. Verðmæti túrsins eru tæplega 300 milljónir. Gert er ráð fyrir að löndunin taki tvo daga. Eiríkur segir fyllsta öryggis gætt og grannt sé fylgst með veðurspám og hugsanlegri gasmengun frá eldgosinu. Þá segist hann skynja bjartsýni meðal Grindvíkinga vegna þessara tímamóta og vonast eftir bjartari tíð eftir allt sem á undan er gengið. „Þetta er að gleðja marga, heyrist mér. Það færist svolítið meira líf í bæinn, það er ýmislegt í gangi. Ein frystitogaralöndun, þetta skiptir máli. Við erum ánægðir með það.“ „Við erum alltaf að koma heim“ Eiríkur og eiginkona hans, Sólveig, sváfu um páskana í fyrsta sinn heima hjá sér í Grindavík frá því að bærinn var rýmdur vegna jarðhræringa þann 10. nóvember. Hann segir það hafa verið algjörlega dásamlegt og að nóttunum muni vonandi fjölga. Annars sé hljóðið í Grindvíkingum afskaplega misjafnt þessa dagana. „Þú getur fundið alla flóruna. Margir eru því miður farnir og koma ekkert aftur, en svo er alveg slatti af svona þverhausum eins og ég og konan mín og mjög margir aðrir, sem bara ætla sér að koma aftur. Það er einfaldlega þannig að það er ekkert sem toppar þennan bæ fyrir okkur sem þekkjum ekkert annað. Svo við erum alltaf að koma heim.“ Yndisleg tilfinning en skrítin að koma heim Sigurður Jónsson, skipstjóri á Tómasi Þorvaldssyni var nokkuð sáttur með túrinn en blendnar tilfinningar fylgdu þó heimkomunni. „Þetta var fínasti túr. Bara hefðbundinn verðtíðartúr. Maður vill alltaf fá meiri fisk, það er aldrei nóg, en bara fínt. Gott að koma hingað líka.“ Já, var ekki gott að koma heim? „Æðislegt. Það var bara þannig. Skrítið samt. Ég fékk alveg ryk í augun, þetta er ekkert einfalt.“ Aukin vöktun og gæsla er viðhöfð við höfnina í Grindavík þessa dagana vegna aðstæðna. Vísir/Margrét Björk Sigurður segir tilfinninguna hafa verið afar sérstaka að sigla inn að bænum og horfa á eldgos í nokkurra kílómetra fjarlægð. „En á sama tíma var magnað að horfa á þessa varnargarða sem eru búnir að bjarga okkur, það er bara svoleiðis, þeir eru búnir að bjarga okkur. Þetta fólk sem er búið að vera að sinna þessu og gera þetta eiga heiður skilinn.“ Eiríkur tekur undir orð Sigurðar. Það er algjört þrekvirki sem þessir gröfukallar og jarðýtumenn eru búnir að vinna hérna undanfarnar vikur og mánuði. Menn og konur. Þetta eru jaxlar. Með hækkandi sól og vori í lofti vonast þeir til að á næstu mánuðum fari að færast enn meira líf í bæinn. „Við fundum það áðan þegar við sátum saman á Vörinni í hádeginu, þá kom þetta hugarfar „upp með hökuna, áfram gakk og bros á vör,“ segir Sigurður. Þeir félagar eru sammála um að Grindvíska samfélagið sé einstakt og vilja ekkert heitar en að snúa aftur heim. „Þetta er allt háð náttúrunni og hennar duttlingum. Við vonum innilega að hún slaki þannig á að við eigum afturkvæmt. Vegna þess að þetta er bara dásamlegur staður. Ég vona að öllum finnist það, sama hvar þeir eiga heima, en Grindavík, grindvíkingar, þetta er alveg magnað,“ segir Eiríkur Óli að lokum.
Grindavík Eldgos og jarðhræringar Eldgos á Reykjanesskaga Náttúruhamfarir Mest lesið Lofar látum og vísar gagnrýni Samtaka atvinnulífsins á bug Innlent „Fyrst og fremst erum við að biðja um að fá að vera skráð í okkar hús“ Innlent Flugumferðarstjórar aflýsa vinnustöðvunum á morgun og laugardag Innlent Brunaði austur til að finna litla frænda Innlent Starfsmenn Kubbs og Terra grunaðir um samráð Innlent Þriggja ára fangelsi eftir flug frá Berlín Innlent Pallborðið: Dómgreindarbrestur hjá CoolBet Innlent Klórar sér í kollinum yfir kvennaverkfallinu Innlent Fann aldagamlan mun, brást hárrétt við og langar að gerast fornleifafræðingur Innlent Gagnrýna lítinn fyrirvara á skipulagi kvennafrídagsins Innlent Fleiri fréttir Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Dómgreindarbrestur hjá CoolBet Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda