Martin stoð­sendinga­hæstur í tapi Alba Berlin

Það hefur lítið gengið hjá Alba Berlin á yfirstandandi tímabili í Evrópudeildinni og er liðið sem stendur á botni deildarinnar á meðan að andstæðingur kvöldsins frá Serbíu situr í 10.sæti.

Martin setti niður átta stig í kvöld, tók fjögur fráköst og gaf átta stoðsendingar sem sá til þess að hann var stoðsendingahæsti leikmaður vallarins í kvöld. 

Gestirnir frá Serbíu fóru hins vegar með ellefu stiga sigur, 94-83 sigur af hólmi í viðureign liðanna í kvöld. 

James Nunnally var atkvæðamestur í liði Partizan í kvöld með 19 stig. Þá gaf hann fjórar stoðsendingar.