Sport

Telur að Usyk hafi unnið vegna stríðsins í Úkraínu

Ingvi Þór Sæmundsson skrifar
Tyson Fury var ekki sáttur eftir tapið fyrir Oleksandr Usyk og talaði um eina heimskulegustu ákvörðun í sögu hnefaleikanna.
Tyson Fury var ekki sáttur eftir tapið fyrir Oleksandr Usyk og talaði um eina heimskulegustu ákvörðun í sögu hnefaleikanna. getty/Richard Pelham

Tyson Fury tapaði sínum fyrsta bardaga á atvinnumannaferlinum þegar hann laut í lægra haldi fyrir Oleksandr Usyk í titilbardaga í þungavigtinni í gær. Fury var allt annað en sáttur við niðurstöðuna.

Usyk vann bardagann gegn Fury á stigum. Úkraínumaðurinn fékk samtals 342 stig en Englendingurinn 339.

Fury gaf lítið fyrir niðurstöðu dómaranna og sagðist hafa unnið bardagann. Hann telur að Usyk hafi fengið nokkur samúðarprik vegna innrásar Rússa í Úkraínu.

„Hann vann nokkrar lotur en ég vann meirihlutann. Landið hans er í stríði og fólk tekur sér stöðu með landi í stríði. Ég vann þennan bardaga. Það er alveg á hreinu,“ sagði Fury ósáttur.

„Þetta er ein af heimskulegustu ákvörðunum í boxsögunni. Ég sný aftur,“ bætti sá enski við.

Fury hefur nú unnið 34 af 36 bardögum sínum á atvinnumannaferlinum, gert eitt jafntefli og tapað einum.

Búist er við því að þeir Usyk bætist aftur seinna á þessu ári.

Box Innrás Rússa í Úkraínu

Mest lesið


Fleiri fréttir

Sjá meira


×

Mest lesið