Albert hefur farið mikinn í liði Genoa sem hélt nokkuð óvænt sæti sínu örugglega eftir að koma úr Serie B fyrir tímabilið. Hinn 26 ára gamli Albert hefur verið allt í öllu í sóknarleik liðsins hann hefur skorað 14 mörk og gefið 3 stoðsendingar í þeim 34 deildarleikjum sem hann hefur leikið.
Þá hefur Albert verið orðaður við nærri öll stórlið landsins en það virðist næsta öruggt að hann yfirgefi Genoa í sumar.
Liðið má sjá í heild sinni hér að neðan en Íslendingnum er stillt upp hægra megin í framlínunni í 3-4-3 leikkerfi. Alls eru fimm leikmenn frá Ítalíumeisturum Inter í liðinu.
Here’s our Serie A TOTS
— Italian Football TV (@IFTVofficial) May 20, 2024
So many great players to choose from this year, but here were some of our personal favorites
What would your squad look like? pic.twitter.com/JrVMD2i62F
Genoa er sem stendur í 11. sæti með 46 stig þegar ein umferð er eftir af Serie A.