Veður­spá slæm fyrir vikuna og bændur hvattir til að huga að bú­fénaði

Spár gera ráð fyrir meðalvindi frá 15-23 m/s, þó útlit sé fyrir heldur hægari vind á vestasta hluta landsins. Með kaldri úrkomunni fylgi talsverð úrkoma á Norður- og Austurlandi. Rigning eða slydda verði nærri sjávarmáli, en snjókoma inn til landsins. Óvissa sé varðandi hæð snjólínunnar, en ekki sé útilokað að um tíma snjói langleiðina niður að sjávarmáli.

Veðrið verði langvarandi og margar spár sýni að því sloti ekki fyrr en á föstudag.

Um sé að ræða óveður sem er mjög óvenjulegt á þessum árstíma.

Útivistarfólki er bent á að fara yfir áætlanir sínar með tilliti til kulda og vosbúðar, og bændur eru hvattir til að huga að því að koma búfénaði í skjól.

Nánari umfjöllun um spána og veðurhorfur má finna á vef Veðurstofunnar.