Ndombele er dýrasti leikmaður Tottenham frá upphafi, en hann var keyptur til félagsins frá Lyon fyrir rúmlega 52 milljónir punda árið 2019.
Hann náði þó aldrei að heilla í hvítu treyjunni. Alls lék miðjumaðurinn 91 leik fyrir félagið og skoraði í þeim tíu mörk. Frakkinn átti erfitt með að aðlagast lífinu á Englandi og virtist oft og tíðum hreinlega ekki vera í nægilega góðu formi til að spila heilan fótboltaleik.
The Club can confirm the departure of Tanguy Ndombele following the mutual termination of his contract, effective from 30 June, upon the conclusion of his current loan spell.
— Tottenham Hotspur (@SpursOfficial) June 12, 2024
Wishing you all the best for the future, Tanguy 🤍
Frá árinu 2022 hefur Ndombele verið á láni frá Tottenham. Hann var fyrsta lánaður aftur til Lyon áður en hann varð ítalskur meistari með Napoli og tyrkneskur meistari með Galatasaray þar sem hann lék einnig á láni.
Ndombele skrifaði undir sex ára samning við Tottenham þegar hann gekk í raðir félagsins árið 2019 og átti því enn ár eftir af samningi sínum. Hann lék síðast fyrir Tottenham er liðið mætti Morecambe í þriðju umferð enska bikarsins þann 9. janúar árið 2022.
