Umferð hafi vaxið umfram fjárveitingar til viðhalds Rafn Ágúst Ragnarsson skrifar 19. júní 2024 13:43 Stóraukið álag á vegum valdi bikblæðingu sama hvaða bindiefni sé notað. Aðsend Bergþóra Kristinsdóttir framkvæmdarstjóri þjónustusviðs segir fjárveitingar til viðhalds vega og malbikunar ekki hafa vaxið í hlutfalli við síaukið álag á vegakerfi landsins. Vegaklæðing sé notuð til að binda slitlag þegar malbikun væri æskilegri vegna umferðarálags. Bikblæðing á fjölförnum vegum getur valdið mikilli hálku. Ólafur Kr. Guðmundsson, varaborgarfulltrúi Sjálfstæðisflokksins og umferðaröryggissérfræðingur sagði í samtali við fréttastofu í gær að hættuleg bikblæðing, sem valdi flughálku á vegum landsins og hefur verið að gera vart við sig í auknum mæli undanfarin ár, væri fyrst og fremst hægt að rekja til þess að hætt hafi verið að nota terpentínu sem bindiefni. Bergþóra segir þetta ekki vera rétt heldur sé málið talsvert flóknara en það. Hætt hafi verið að nota terpentínu við slitlagsbindingu fyrir mörgum árum síðan en blæðingar hafi verið þekkt fyrirbæri á íslenskum vegum í langan tíma fyrir það. „Fyrir það voru oft blæðingar. Það eru þekkt og skráð dæmi hjá Vegagerðinni um blæðingar í klæðingum alveg til áttatíu og eitthvað. Þetta er líka þekkt erlendis. Það er ekki beint orsakasamhengi. Það er ekki bara ein lausn og þá leysist málið,“ segir Bergþóra í samtali við fréttastofu. „Klæðing er fyrirbæri sem er í grunninn vand með farið. Það þarf að vanda vel til verka og það þarf allt að passa. Það þarf að vera rétt steinefni, það þarf að vera rétt íblöndunarefni í bikinu, rétta þjálniefnið, magnið. Það skiptir líka máli hvernig klæðingin er undir,“ bætir hún við. Vandamálið óhjákvæmilegt Bergþóra segir að aukin bikblæðing á Íslandi sé fyrst og fremst vegna aukinnar umferðar og álags á vegakerfið. „Þetta er alltaf viðfangsefni þegar við erum komin með mikla umferð á vegum með klæðingu. Og á heitum sumardögum eins og hefur verið síðustu daga verður of mikil umferð þá verðru vandamálið stærra og meira. Það er óhjákvæmilegt,“ segir hún. „Það sem er mikilvægast er að við merkjum að fólk virði merkingarnar og hægi á sér og tryggi öryggi bæði sjálfs síns og annarra vegfarenda,“ segir Bergþóra jafnframt. Álagið ekki í hlutfalli við fjármagn Vandamálið stafi frekar af því að klæðing sé notuð þar sem æskilegast væri að malbika. Það er að segja, að fjölfarnir vegir fái klæðingu sem sem stendur ekki undir umferðarmagninu. „Við erum ekki fjármögnuð þannig að við getum malbikað meira,“ segir Berþóra þó. Bergþóra segir umferð hafa aukist gríðarlega á Íslandi vegna ferðamanna en að breyttir búsetuhættir Íslendinga hafi einnig ýtt undir umferðina. Vinnusóknarsvæði hafi stækkað með tilheyrandi fjölgun á daglegum ferðum um áður sjaldfarna vegi. „Þar af leiðandi hefur umferð á vegakerfinu aukist mjög mikið. Kannski töluvert mikið meira en fjármagn til viðhaldsins á vegakerfinu hefur vaxið,“ segir Bergþóra. Hvetur fólk til að tilkynna „Okkur vantar meiri pening til þess að geta malbikað meira en malbikið er fimm sinnum dýrara,“ segir hún. Til skamms tíma brýnir Bergþóra það fyrir ökumönnum að hægja á ferðinni þegar þeir verða varir við bikblæðingu. „Við hvetjum fólk til þess að draga úr hraða þegar það kemur að blæðingarkafla. við reynum að setja skilti alltaf til þess að vara við. Ef að fólk verður vart við svona þar sem ekki er búið að merkja þá bara endilega hringja inn í þjónustusímann okkar og láta vita,“ segir Bergþóra. Umferðaröryggi Vegagerð Umferð Bílar Mest lesið „Nú hættir þú Sigurður!“ Innlent Eldur Smári segir að sér sé markvisst haldið í myrkrinu Innlent Beittu neyðarstöðvun til að forðast árekstur við Herjólf Innlent Óreiðan ræður ríkjum í Pentagon Erlent Segir 60 mínútur hafa misst sjálfstæðið og hættir Erlent Barnaníðingur situr inni þar til hann verður sendur til Litáen Innlent Eigandi Paramount með puttana í umfjöllun 60 mínútna Erlent Valdatafl í Vatíkaninu: Hver verður næsti páfi? Erlent Beint flug milli Akureyrar og útlanda aldrei verið meira Innlent Úkraínufundinum í London frestað Erlent Fleiri fréttir Kalt veður bjargaði Andrésar andarleikunum fyrir horn Óeðlileg staða á íslenskum eignamarkaði Barnaníðingur situr inni þar til hann verður sendur til Litáen Meirihluti hefur litlar væntingar til borgarstjórnarmeirihlutans „Nú hættir þú Sigurður!“ Beittu neyðarstöðvun til að forðast árekstur við Herjólf Pakki skemmdist og „óafhending“ varð Eldur Smári segir að sér sé markvisst haldið í myrkrinu Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Sjá meira
Ólafur Kr. Guðmundsson, varaborgarfulltrúi Sjálfstæðisflokksins og umferðaröryggissérfræðingur sagði í samtali við fréttastofu í gær að hættuleg bikblæðing, sem valdi flughálku á vegum landsins og hefur verið að gera vart við sig í auknum mæli undanfarin ár, væri fyrst og fremst hægt að rekja til þess að hætt hafi verið að nota terpentínu sem bindiefni. Bergþóra segir þetta ekki vera rétt heldur sé málið talsvert flóknara en það. Hætt hafi verið að nota terpentínu við slitlagsbindingu fyrir mörgum árum síðan en blæðingar hafi verið þekkt fyrirbæri á íslenskum vegum í langan tíma fyrir það. „Fyrir það voru oft blæðingar. Það eru þekkt og skráð dæmi hjá Vegagerðinni um blæðingar í klæðingum alveg til áttatíu og eitthvað. Þetta er líka þekkt erlendis. Það er ekki beint orsakasamhengi. Það er ekki bara ein lausn og þá leysist málið,“ segir Bergþóra í samtali við fréttastofu. „Klæðing er fyrirbæri sem er í grunninn vand með farið. Það þarf að vanda vel til verka og það þarf allt að passa. Það þarf að vera rétt steinefni, það þarf að vera rétt íblöndunarefni í bikinu, rétta þjálniefnið, magnið. Það skiptir líka máli hvernig klæðingin er undir,“ bætir hún við. Vandamálið óhjákvæmilegt Bergþóra segir að aukin bikblæðing á Íslandi sé fyrst og fremst vegna aukinnar umferðar og álags á vegakerfið. „Þetta er alltaf viðfangsefni þegar við erum komin með mikla umferð á vegum með klæðingu. Og á heitum sumardögum eins og hefur verið síðustu daga verður of mikil umferð þá verðru vandamálið stærra og meira. Það er óhjákvæmilegt,“ segir hún. „Það sem er mikilvægast er að við merkjum að fólk virði merkingarnar og hægi á sér og tryggi öryggi bæði sjálfs síns og annarra vegfarenda,“ segir Bergþóra jafnframt. Álagið ekki í hlutfalli við fjármagn Vandamálið stafi frekar af því að klæðing sé notuð þar sem æskilegast væri að malbika. Það er að segja, að fjölfarnir vegir fái klæðingu sem sem stendur ekki undir umferðarmagninu. „Við erum ekki fjármögnuð þannig að við getum malbikað meira,“ segir Berþóra þó. Bergþóra segir umferð hafa aukist gríðarlega á Íslandi vegna ferðamanna en að breyttir búsetuhættir Íslendinga hafi einnig ýtt undir umferðina. Vinnusóknarsvæði hafi stækkað með tilheyrandi fjölgun á daglegum ferðum um áður sjaldfarna vegi. „Þar af leiðandi hefur umferð á vegakerfinu aukist mjög mikið. Kannski töluvert mikið meira en fjármagn til viðhaldsins á vegakerfinu hefur vaxið,“ segir Bergþóra. Hvetur fólk til að tilkynna „Okkur vantar meiri pening til þess að geta malbikað meira en malbikið er fimm sinnum dýrara,“ segir hún. Til skamms tíma brýnir Bergþóra það fyrir ökumönnum að hægja á ferðinni þegar þeir verða varir við bikblæðingu. „Við hvetjum fólk til þess að draga úr hraða þegar það kemur að blæðingarkafla. við reynum að setja skilti alltaf til þess að vara við. Ef að fólk verður vart við svona þar sem ekki er búið að merkja þá bara endilega hringja inn í þjónustusímann okkar og láta vita,“ segir Bergþóra.
Umferðaröryggi Vegagerð Umferð Bílar Mest lesið „Nú hættir þú Sigurður!“ Innlent Eldur Smári segir að sér sé markvisst haldið í myrkrinu Innlent Beittu neyðarstöðvun til að forðast árekstur við Herjólf Innlent Óreiðan ræður ríkjum í Pentagon Erlent Segir 60 mínútur hafa misst sjálfstæðið og hættir Erlent Barnaníðingur situr inni þar til hann verður sendur til Litáen Innlent Eigandi Paramount með puttana í umfjöllun 60 mínútna Erlent Valdatafl í Vatíkaninu: Hver verður næsti páfi? Erlent Beint flug milli Akureyrar og útlanda aldrei verið meira Innlent Úkraínufundinum í London frestað Erlent Fleiri fréttir Kalt veður bjargaði Andrésar andarleikunum fyrir horn Óeðlileg staða á íslenskum eignamarkaði Barnaníðingur situr inni þar til hann verður sendur til Litáen Meirihluti hefur litlar væntingar til borgarstjórnarmeirihlutans „Nú hættir þú Sigurður!“ Beittu neyðarstöðvun til að forðast árekstur við Herjólf Pakki skemmdist og „óafhending“ varð Eldur Smári segir að sér sé markvisst haldið í myrkrinu Beint flug milli Akureyrar og útlanda aldrei verið meira „Ég er mannleg“ Segir líklega langt í næsta gos við Sundhnúka Óþarfi að nota kauðslega þýdda málshætti í páskaeggin Lofar betra sumri en í fyrra Fagnar umræðu um þátttöku Ísraels og segir útspil ráðherra gagnlegt Oscar þori varla út úr húsi af ótta við að vera sendur úr landi Breytingar á gosvirkni, júró-þrýstingur og umdeildir málshættir Missti vélarafl suður af Snæfellsnesi Reiknar með að sækja útför Frans páfa Páskaeggjaframleiðandi fagnar gagnrýni á málshætti Vildi „tagga“ Frans páfa en niðurstaðan reyndist slysaleg „Hér hefur verið unninn skaði sem þarf að stöðva“ Landris heldur áfram en dregið hefur úr hraðanum „Skrítið og óeðlilegt“ að Ísrael fái að vera með í Eurovision Barn á óskoðuðum bíl á 151 kílómetra hraða Gallar í nýbyggingum: Eigendur nýrra íbúða eigi ríkari rétt Ráðherra ræðir þátttöku Ísraels í Eurovision Vill að allir flokkar hafi hlutverk í borgarstjórn Mótmæltu brottvísun Oscars við dómsmálaráðuneytið Reyndu að fá Ingu á sitt band með fötu af „extra crispy“ kjúklingavængjum Mjög gjarnan kölluð nasisti og fasisti Sjá meira