Hér að neðan eru nokkur atriði sem benda til þess að þú sért miðaldra.
Líkamlegar breytingar
Eru hrukkurnar orðnar fleiri, hárið farið að grána og húðin ekki eins stinn og áður?
Lesgleraugu
Sjónin farin að segja til sín og lesgleraugu orðin nauðsynleg við lestur eða yfir sjónvarpinu á kvöldin.
Þrif og skipulag
Þú ferð að gleðjast yfir góðum blettahreinsi og skipulagsboxum í ískápinn.
Kynlífið á dagskrá
Kynlífið sem áður var óvænt og spennandi er nú orðið hluti af vikulegu skipulagi.
Heimilistæki
Ný heimilistæki vekja mikla lukku, ryksuga, þvottavél og jafnvel rafknúin gluggaskafa.
Ungir læknar og forstjórar
Þegar þér finnst læknar, lögregluþjónar og fólk í forstjórastöðum allt í einu „bara krakkar“.
Helgin heima
Þegar þú velur að vera heima að baka pítsu og horfa á Vikuna með Gísla Marteini í stað þess að fara með vinum þínum í drykk í bæinn. Það er bara svo kósý!
Tískan fer í hringi
Þegar þú sérð tískuna frá því að þú varst unglingur koma aftur. Tískan fer jú í hringi.
Skilríki í ríkinu
Gleðitilfinningin sem fer yfir þig þegar þú ert beðinn um skilríki í ríkinu og þú hugsar: „OK ég er alveg enn með þetta.“
Óskiljanleg nýyrði ungmenna
Þegar þú ert hætt að skilja hvað unga kynslóðin er að segja og nota orð eins og: slay, period, demure og low key.
Þú kvartar meira
Hlutir sem þú tókst ekki eftir hér áður fyrr er farið að fara í taugarnar á þér. Þú ferð að tuða yfir nágrannanum, bílstjóranum sem keyrir of hægt á hægri akrein, háu matarverði eða starfsmanninum í búðinni sem bauð þér ekki góðan daginn.
Forðast háværa staði
Þú forðast háværa og fjölmenna staði, þetta er einfaldlega of mikið áreiti.
Hjónabandið eins og fyrirtæki
Rómantíkin og sambandið á það til að gleymast og eru flest samtölin farin að snúast um börnin og fjárhag heimilins. Líkt og áður segir þarf að setja kynlífið á vikulega dagskrá.
Þróun samfélagsmiðla
Það getur reynst erfitt að halda í við stöðuga þróun samfélagsmiðla og þér fer að líða eins og þú sért að dragast aftur úr samtímanum.
Fagnaðu hækkandi aldri og hverri hrukku, það er merki um gæfu og visku!
