Ósætti við úrelta löggjöf: „Sennilega eina þjóðin eftir í heiminum“ Valur Páll Eiríksson skrifar 20. september 2024 07:33 Davíð Rúnar Bjarnason, landsliðsþjálfari í hnefaleikum. Vísir/Einar Frumvarp hefur verið lagt fyrir Alþingi um að lögleiða atvinnuhnefaleika hérlendis en stundun íþróttarinnar var hér ólögleg með öllu í tæpa hálfa öld. Landsliðsþjálfari Íslands segir bannið byggt á mýtu og að heimilun atvinnumennsku myndi í raun auka öryggi keppenda. Áhugamannahnefaleikar hafa verið heimilaðir hér á landi frá árinu 2002 en áður höfðu hvers kyns hnefaleikar verið bannaðir með öllu frá árinu 1956. Atvinnumennska er enn með öllu óheimil samkvæmt löggjöfinni frá 2002. Íslendingar mega því ekki hafa atvinnu af hnefaleikum hér á landi. Atvinnumennirnir tveir sem Ísland á þurfa því að keppa erlendis og í gegnum erlent hnefaleikasamband. Kúba og Norður-Kórea voru í hópi með Íslandi sem þjóðir með álíka bann. Nýverið voru haldnir atvinnubardagar í báðum ríkjum og telur Davíð Rúnar Bjarnason, landsliðsþjálfari í hnefaleikum, að Ísland standi nú eitt eftir á heimsvísu. „Í raun og veru er engin bein ástæða fyrir því hvers vegna og þetta hefur aldrei verið tekið fyrir. Við erum sennilega eina þjóðin eftir í heiminum sem leyfir ekki að neinu leyti atvinnuhnefaleika. Í raun og veru er þetta bara út af gamalli mýtu og hræðsla við eitthvað sem fólk þekkir ekki,“ segir Davíð Rúnar í samtali við íþróttadeild. Davíð stendur ár hvert við Icebox viðburðinum. Áhugi hefur verið fyrir atvinnumannaviðburðum hérlendis, sem gæti trekkt að stærri nöfn og meiri áhuga, en eins og sakir standa væri slíkur viðburður ólöglegur.Vísir/Arnar Segir mýtu um hætturnar Mýtan sem Davíð nefnir tengist hættunni sem stafi af hnefaleikum. Töluverð hætta er á höfuðmeiðslum sem geta haft mikil áhrif á heilsu keppenda. Dæmi eru um stórvægleg áhrif ítrekaðra höfuðhögga á íþróttafólk í mörgum greinum, til að mynda fótbolta, rúgbý og amerískum fótbolta, auk hnefaleika. Hann segir raunveruleikann aftur á móti þann að hugað sé betur að heilsu atvinnumanna heldur en áhugamanna. Heimilun atvinnumennsku geti því verkað til að auka öryggi hnefaleikafólks á Íslandi. „Munurinn á áhugamönnum og atvinnumönnum er orðinn svo lítill. Það er búið að taka höfuðhlífarnar af hjá fullorðnum. Reglurnar [sem varða öryggi og heilsu] eru miklu strangari í atvinnuhnefaleikum. Þú þarft að fara í gegnum heilaskanna, mikið læknaeftirlit og eftir bardaga er mikið athugað,“ segir Davíð en samkvæmt alþjóðlegu regluverki þarf atvinnufólk í greininni að fara í myndatöku á höfði árlega. „Á móti því að í áhugamannahnefaleikum er svona tiltölulega þægilegt lækniseftirlit. [Það er skrýtið] að leyfa ekki grein sem er með enn strangara utanumhald sem hefur sýnt að það gengur,“ segir Davíð. Hægt að bera sig saman við Noreg og Svíþjóð Þau Ágúst Bjarni Garðarsson, Þórarinn Ingi Pétursson, Hafdís Hrönn Hafsteinsdóttir, Jóhann Friðrik Friðriksson og Þorgerður Katrín Gunnarsdóttir eru flutningsmenn frumvarps fyrir Alþingi þess efnis að atvinnuhnefaleikar verði leyfðir hér á landi. Sjá einnig: 119/155 frumvarp: hnefaleikar | Þingtíðindi | Alþingi (althingi.is) Málið var fyrst lagt fram í mars í fyrra en komst ekki að á þinginu á síðasta vetri. Davíð telur að málið fljúgi í gegn strax og það nær inn á þinggólf. „Ég held að ef þetta nær inn fer það alltaf í gegn. Það er engin ástæða yfir því að þetta fari ekki í gegn. Þetta er ætti að vera heldur fljótafgreitt,“ segir Davíð. „Við erum með lönd í kringum okkur, eins og til dæmis norska sambandið, sem er nýjasta sambandið í kringum okkur til að lögleiða hnefaleika. Við getum kóperað það sem þeir eru að gera, sama með Svíþjóð, það er ekki langt síðan að þeir lögleiddu þetta heldur,“ „Þetta er mjög svipað umhverfi. Við getum gert nákvæmlega það sem þeir eru að gera. Af hverju ekki?“ segir Davíð. Viðtalið má sjá í spilaranum að ofan. Box Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Tryggvi og félagar sendu Ólaf í sumarfrí Í beinni: ÍR - Grótta | Komið að kveðjustund? Í beinni: Stjarnan - ÍR | Rifjast upp gamall rígur? Í beinni: Chelsea - Tottenham | Mikið í húfi hjá heimamönnum Í beinni: Njarðvík - Álftanes | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Var með skýrar reglur um eiginkonur bræðranna Skoraði fyrir látinn litla bróður sinn Ellefu Íslendingar hluti af hinu eftirsótta eina prósenti í CrossFit heiminum Stuðningsmenn Chelsea og Man. City þurfa að afhenda lögreglu vegabréf sín Sjá meira
Áhugamannahnefaleikar hafa verið heimilaðir hér á landi frá árinu 2002 en áður höfðu hvers kyns hnefaleikar verið bannaðir með öllu frá árinu 1956. Atvinnumennska er enn með öllu óheimil samkvæmt löggjöfinni frá 2002. Íslendingar mega því ekki hafa atvinnu af hnefaleikum hér á landi. Atvinnumennirnir tveir sem Ísland á þurfa því að keppa erlendis og í gegnum erlent hnefaleikasamband. Kúba og Norður-Kórea voru í hópi með Íslandi sem þjóðir með álíka bann. Nýverið voru haldnir atvinnubardagar í báðum ríkjum og telur Davíð Rúnar Bjarnason, landsliðsþjálfari í hnefaleikum, að Ísland standi nú eitt eftir á heimsvísu. „Í raun og veru er engin bein ástæða fyrir því hvers vegna og þetta hefur aldrei verið tekið fyrir. Við erum sennilega eina þjóðin eftir í heiminum sem leyfir ekki að neinu leyti atvinnuhnefaleika. Í raun og veru er þetta bara út af gamalli mýtu og hræðsla við eitthvað sem fólk þekkir ekki,“ segir Davíð Rúnar í samtali við íþróttadeild. Davíð stendur ár hvert við Icebox viðburðinum. Áhugi hefur verið fyrir atvinnumannaviðburðum hérlendis, sem gæti trekkt að stærri nöfn og meiri áhuga, en eins og sakir standa væri slíkur viðburður ólöglegur.Vísir/Arnar Segir mýtu um hætturnar Mýtan sem Davíð nefnir tengist hættunni sem stafi af hnefaleikum. Töluverð hætta er á höfuðmeiðslum sem geta haft mikil áhrif á heilsu keppenda. Dæmi eru um stórvægleg áhrif ítrekaðra höfuðhögga á íþróttafólk í mörgum greinum, til að mynda fótbolta, rúgbý og amerískum fótbolta, auk hnefaleika. Hann segir raunveruleikann aftur á móti þann að hugað sé betur að heilsu atvinnumanna heldur en áhugamanna. Heimilun atvinnumennsku geti því verkað til að auka öryggi hnefaleikafólks á Íslandi. „Munurinn á áhugamönnum og atvinnumönnum er orðinn svo lítill. Það er búið að taka höfuðhlífarnar af hjá fullorðnum. Reglurnar [sem varða öryggi og heilsu] eru miklu strangari í atvinnuhnefaleikum. Þú þarft að fara í gegnum heilaskanna, mikið læknaeftirlit og eftir bardaga er mikið athugað,“ segir Davíð en samkvæmt alþjóðlegu regluverki þarf atvinnufólk í greininni að fara í myndatöku á höfði árlega. „Á móti því að í áhugamannahnefaleikum er svona tiltölulega þægilegt lækniseftirlit. [Það er skrýtið] að leyfa ekki grein sem er með enn strangara utanumhald sem hefur sýnt að það gengur,“ segir Davíð. Hægt að bera sig saman við Noreg og Svíþjóð Þau Ágúst Bjarni Garðarsson, Þórarinn Ingi Pétursson, Hafdís Hrönn Hafsteinsdóttir, Jóhann Friðrik Friðriksson og Þorgerður Katrín Gunnarsdóttir eru flutningsmenn frumvarps fyrir Alþingi þess efnis að atvinnuhnefaleikar verði leyfðir hér á landi. Sjá einnig: 119/155 frumvarp: hnefaleikar | Þingtíðindi | Alþingi (althingi.is) Málið var fyrst lagt fram í mars í fyrra en komst ekki að á þinginu á síðasta vetri. Davíð telur að málið fljúgi í gegn strax og það nær inn á þinggólf. „Ég held að ef þetta nær inn fer það alltaf í gegn. Það er engin ástæða yfir því að þetta fari ekki í gegn. Þetta er ætti að vera heldur fljótafgreitt,“ segir Davíð. „Við erum með lönd í kringum okkur, eins og til dæmis norska sambandið, sem er nýjasta sambandið í kringum okkur til að lögleiða hnefaleika. Við getum kóperað það sem þeir eru að gera, sama með Svíþjóð, það er ekki langt síðan að þeir lögleiddu þetta heldur,“ „Þetta er mjög svipað umhverfi. Við getum gert nákvæmlega það sem þeir eru að gera. Af hverju ekki?“ segir Davíð. Viðtalið má sjá í spilaranum að ofan.
Box Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Tryggvi og félagar sendu Ólaf í sumarfrí Í beinni: ÍR - Grótta | Komið að kveðjustund? Í beinni: Stjarnan - ÍR | Rifjast upp gamall rígur? Í beinni: Chelsea - Tottenham | Mikið í húfi hjá heimamönnum Í beinni: Njarðvík - Álftanes | Fyrsti dans í Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Stelpurnar okkar gætu komist á HM í Ameríku og Bretlandi Hefur áhyggjur af Glódísi fyrir EM: „Búinn að vita lengi hvað væri rétt að gera“ Þorsteinn og Ingibjörg sátu fyrir svörum „Þarf ekki einu sinni að taka takkaskóna sjálf í leiki“ Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum Lífsferill íþróttamannsins: Eldur kviknar „Allir í Vesturbænum eru spenntir en maður hefur séð meiri gæði í einum hópi“ Átti að fá rautt spjald en á í staðinn metið yfir að forðast það Besta-spáin 2025: Máttur fjöldans Lífið gott en ítalskan strembin Versta staða Íslands síðan Lars og Heimir hófu ævintýrið Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Var með skýrar reglur um eiginkonur bræðranna Skoraði fyrir látinn litla bróður sinn Ellefu Íslendingar hluti af hinu eftirsótta eina prósenti í CrossFit heiminum Stuðningsmenn Chelsea og Man. City þurfa að afhenda lögreglu vegabréf sín Sjá meira