Kjarasamningur Eflingar við Samtök fyrirtækja í velferðarþjónustu hefur verið samþykktur með 92,8 prósentum greiddra atkvæða.
Frá þessu greinir Sólveig Anna Jónsdóttir, formaður Eflingar, í stuttri færslu á Facebook. „Til hamingju, frábæra og duglega samninganefnd!“ segir hún.
Skrifað var undir samninginn aðfaranótt 3. október síðastliðins eftir nokkuð stífar samningaviðræður. Samningurinn gildir í fjögur ár og nær til starfsmanna hjúkrunarheimila á höfuðborgarsvæðinu og í Hveragerði. Þetta er í fyrsta sinn sem samninganefnd Eflingar semur við SFV utan almennra kjarasamninga.
Undirmönnun á hjúkrunarheimilum hefur leitt til þess að starfsfólk hefur neyðst til þess að draga úr samskiptum við íbúa, segir formaður Eflingar. Kjaradeilu félagsins við Samtök fyrirtækja í velferðarþjónustu hefur verið vísað til ríkissáttasemjara og þess er krafist að mönnun verði bætt.
Stéttarfélagið Efling vísaði kjaradeilu sinni við Samtök fyrirtækja í velferðarþjónustu (SFV) til ríkissáttasemjara í dag. Félagið krefst lausnar á undirmönnnun og álagi á starfsfólk á hjúkrunarheimilum auk samninga í samræmi við launastefnu úr kjarasamningum við Samtök atvinnulífsins frá því í mars.
