Minnkuðu muninn um tuttugu stig á þremur mínútum gegn gamla liði Elvars

PAOK var með yfirhöndina, tók svo vel fram úr í seinni hálfleik og leiddi með tuttugu stigum um miðjan fjórða leikhluta en Maroussi gerði strangheiðarlega tilraun til að stela sigrinum með stórkostlegum sprett undir lokin.

Staðan fór frá 55-76 þegar þrjár mínútur voru eftir, í 80-81 þegar sex sekúndur voru eftir.

PAOK tók leikhlé og teiknaði síðustu sóknina vel upp. Þeir léku á heimamenn, sem tókst ekki að brjóta áður en tíminn rann út. Lokaniðurstaða 80-81 PAOK sigur. Þetta var þriðji sigur liðsins í fyrstu fimm leikjunum, Maroussi hefur aðeins unnið einn og er í næstneðsta sæti deildarinnar. 

Elvar var lykilmaður hjá PAOK á síðasta tímabili, með 11,8 stig og 5,9 stoðsendingar að meðaltali í leik. PAOK endaði í 9. sæti deildarinnar, Maroussi í 10. sætinu. Hann skipti svo yfir í sumar.

Elvar hefur ekki verið í byrjunarliðinu en samt spilað 27,1 mínútu að meðaltali í fyrstu fjórum leikjunum. Þar hefur hann skorað 7,3 stig og gefið 7,3 stoðsendingar að meðaltali í leik.