Innlent

Rúm 95 pró­sent lækna sam­þykktu verk­fallsað­gerðir

Lovísa Arnardóttir skrifar
Steinunn Þórðardóttir er formaður Læknafélags Íslands
Steinunn Þórðardóttir er formaður Læknafélags Íslands Vísir/Arnar

Rúm 95 prósent lækna samþykktu í atkvæðagreiðslu að fara í verkfall. Þátttaka í atkvæðagreiðslunni var um 85 prósent. 

„Það var bæði meiri þátttaka og fleiri hlynntir en síðast. Aðgerðir voru samþykktar á öllum heilbrigðisstofnunum landsins, sjúkrahúsum og á heilsugæslu höfuðborgarsvæðisins,“ segir Steinunn Þórðardóttir formaður Læknafélags Íslands.

Tilkynning um atkvæðagreiðsluna verður birt á heimasíðu Læknafélagsins innan skamms. 

Læknar frestuðu verkfalli sem hafði verið boðað til síðustu helgi. Steinunn sagði fyrr í vikunni ríkið þrýsta læknum út í harðari verkfallsaðgerðir en lagt var upp með, með því að lýsa því yfir að boðaðar aðgerðir þeirra hefðu verið ólöglegar.

Fréttin verður uppfærð.

Læknaverkfall 2024 Kjaramál Kjaraviðræður 2023-24

Tengdar fréttir

Læknar boða miklu harðari aðgerðir

Læknar boða til vikulegra verkfalla samtímis á öllum vinnustöðvum lækna sem verkfall nær til frá 25. nóvember og fram að páskum. Aðra vikuna eru allir vinnustaðir lækna í verkfalli frá miðnætti til tólf á hádegi frá mánudegi til fimmtudags. Hina vikuna eru verkföll ýmist mánudag og miðvikudag eða þriðjudag og fimmtudag með sama fyrirkomulagi.

Læknar fresta verkfalli

Læknafélag Íslands hefur tilkynnt læknum að það muni boða til nýs verkfalls með þeim hætti sem ríkið telur að sé löglegur. Hver vinnustaður lækna kjósi um verkföllin og þau muni ná til Landspítalans alls. Félagið ætlar því ekki að láta málið fara fyrir Félagsdóm af ótta við að niðurstaðan muni seinka verkfallinu fram í desember.

Mest lesið


Fleiri fréttir

Sjá meira


×

Mest lesið