Berg­lind Festival, Hall­grímur Helga og Unn­steinn á sumarhryllingnum

Verkið er úr smiðju sviðslistahópsins Marmarabarna og er rómantísk hrollvekja um vináttu og veður. Það fjallar um hóp ungskálda sem bíður af sér óvenjulegan sumarstorm í sveitasetri við Genfarvatn. Þau drepa tímann með ýmsum óhugnaði en þetta kvöld er eitthvað annað og meira sem ásækir þau en bara skáldskapur. Um er að ræða hrollvekju sem byggir á sögum um Frankensteins og Vampíruna.

Það var stemning í leikhúsinu í aðdraganda frumsýningarinnar. Kristinn Guðmundsson einn meðlima Marmarabarna sagði hópinn vel stefndan í samtali við Vísi. Kara Hergils framleiðandi leikritsins hélt svo tölu fyrir sýningu.