Hlustendaverðlaunin 2025: Tónlistaratriðin sem slógu í gegn

Um er að ræða tólfta skiptið sem verðlaunahátíðin fer fram. Útvarpsstöðvarnar Bylgjan, FM957 og X977 standa í sameiningu að verðlaununum. Markmiðið er að gefa íslenskum útvarpshlustendum og tónlistarunnendum tækifæri að velja og verðlauna íslenskt tónlistarfólk, hljómsveitir og einstaklinga sem sköruðu fram úr í tónlist á síðastliðnu ári. Lesendur Vísis gátu svo kosið á milli tilnefndra.

Hér fyrir neðan er hægt að horfa á öll tónlistaratriðin sem fram komu á verðlaunahátíðinni ár.

Jóhanna Guðrún opnaði hátíðina

Jóhanna Guðrún kom áhorfendum á Nasa og heima í stofu í réttan gír í upphafi kvölds.

Háspenna þegar GDRN mætti á svið

GDRN var í sínu besta stuði þegar hún steig á svið og gerði áhorfendum alveg ljóst að það væri ekki í boði að standa kjurrir. 

Kristmundur Axel með gamalt í bland við nýtt

Kristmundur Axel tók lagið sem skaut honum upp á stjörnuhimininn á sínum tíma í bland við nýja hittara.

Alvöru ferna með alvöru trílógíu

Frikki Dór, Steindi jr., Herra Hnetusmjör Ásgeir tóku popptrílógíuna Til í allt. 

Gugusar sýndi alvöru takta

Líklega státa fáir íslenskir tónlistarmenn af öðrum eins sjarma uppi á sviði eins og Gugusar.

Birnir og Aron Kristinn með Bleikan Range Rover

Birnir og Aron Kristinn tóku eitt af sínu nýjustu lögum.

Birnir flutti splunkunýtt lag í fyrsta sinn

Birnir heiðraði gesti Hlustendaverðlaunanna með því að frumflytja lagið LXS. 

Bríet og Birnir tóku smell

Bríet steig á svið með Birni og tóku þau smellinn sinn Lifa af.

Bríet með glænýtt lag

Bríet tók glænýtt lag, Blood on my lips. Hún lét sér ekki nægja að vera uppi á sviði. 

ClubDub tók sjóðheita hittara

Strákarnir í ClubDub tóku nokkur af lögunum sem hafa slegið í gegn að undanförnu, með Bríet sér til halds og trausts í einu þeirra.

Klassíski sumarsmellurinn

Nostalgían sveif yfir vötnum þegar félagarnir Egill, Aron og Arnar rifjuðu upp gamla takta.