Leikurinn var jafn framan af en undir lok fyrri hálfleiks náði Selfoss tveggja marka forystu, staðan 16-14 þegar síðari hálfleikur hófst. ÍR jafnaði metin í 17-17 en eftir það náði heimaliðið aftur takti og áttu gestirnir ekki möguleika eftir það.
Ágústa Tanja Jóhannsdóttir varði 11 skot fyrir Selfoss á meðan Harpa Valey Gylfadóttir og Hulda Dís Þrastardóttir voru markahæstar með 7 mörk hvor. Sara Dögg Hjaltadóttir skoraði einnig 7 mörk og var markahæst hjá ÍR.
