Lífið

Hersir og Rósa greina frá kyninu

Svava Marín Óskarsdóttir skrifar
Hersir Aron Ólafsson og Rósa Kristinsdóttir eiga von á sínu fyrsta barni.
Hersir Aron Ólafsson og Rósa Kristinsdóttir eiga von á sínu fyrsta barni.

Hersir Aron Ólafsson, forstöðumaður hjá Símanum og fyrrverandi aðstoðarmaður Bjarna Benediktssonar, og Rósa Kristinsdóttir, sérfræðingur í framtaksfjárfestingum hjá Vex, eiga von á dreng. Frá þessu greinir Rósa í færslu á samfélagsmiðlum.

Bæði Rósa og Hersir eru 31 árs, og þetta verður þeirra fyrsta barn.

Fjölskylda og vinkonur Rósu komu henni skemmtilega á óvart liðna helgi með babyshower-veislu þar sem blái liturinn var áberandi í skreytingum.

Rósa deildi myndum úr veislunni á samfélagsmiðlum og skrifaði: „Hamingjusamasta bumbukona landsins eftir drauma babyshower. Við Hersir og litli kallinn erum ekkert eðlilega heppin með allt þetta dásamlega fólk í kringum okkur.“

Hersir greindi fyrst frá óléttunni um áramótin með skemmtilegri myndaröð á Instagram frá Tansaníu, þar sem parið dvaldi yfir hátíðirnar. 

Á einni myndinni mátti sjá stork og skrifaði Hersir við færsluna: „Sáum storkinn í dag, sem er viðeigandi þar sem hann kemur til okkar í byrjun júlí. Ógleymanleg jól og áramót í frábærum hóp í Tansaníu.“

Barnalán Tímamót Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.