Fótbolti

Fékk draum sinn uppfylltan og heiðraði minningu látinnar dóttur sinnar

Runólfur Trausti Þórhallsson skrifar
Borðinn sem um er ræðir.
Borðinn sem um er ræðir. BBC

Xana Enrique var aðeins níu ára gömul þegar hún lést eftir baráttu við krabbamein. Luis Enrique, föður hennar, dreymdi um að heiðra minningu hennar og það fékk hann eftir ótrúlegan 5-0 sigur lærisveina sinna í París Saint-Germain á Inter Milan í úrslitum Meistaradeildar Evrópu.

Að leik loknum heiðraði stuðningsfólk PSG einnig dóttur Enrique þegar risastór tifo-borði var dreginn upp á Allianz-vellinum í Þýskalandi þa rsem leikurinn fór fram. 

Á borðanum var mynd af Enrique að stinga fána PSG niður á það sem virðist vera miðjan á fótboltavelli. Xana, í búningi PSG, fylgist með. 

Þarna var verið að vitna í mynd af þeim feðginum eftir að Barcelona sigraði Meistaradeildina árið 2015. Þá var Enrique sjálfur í bol með mynd af þessari mögnuðu minningu á hliðarlínunni í leik kvöldsins. Fyrir leik hafði hann gefið út að honum dreymdi að fá að heiðra minningu dóttur sinnar á þennan hátt.

„Líkami hennar er farinn en hún dó ekki, hún er enn meðal vor,“ sagði Enrique meðal annars í heimildarmynd um líf sitt en hann hefur tekið þann pól í hæðina að muna eftir þeim mögnuðu minningum sem fjölskyldan skapaði á meðan Xana var á lífi.


Tengdar fréttir

PSG verðskuldaður sigur­vegari Meistara­deildar Evrópu

París Saint-Germain stóð uppi sem sigurvegari Meistaradeildar Evrópu karla í fótbolta eftir ótrúlegan 5-0 sigur á Inter á Allianz-vellinum í Þýskalandi. Um er að ræða stærsta sigur í sögu Meistaradeildar Evrópu sem og forvera hennar. 




Fleiri fréttir

Sjá meira


×