Við­varanir enn í gildi fyrir norðan

Veðurstofa Íslands spáir ákveðinni norðanátt í dag samhliða þessari rigningu. Spáin segir til um tíu til átján metra á sekúndu, rigningu um landið norðanvert en víða slyddu og snjókomu til fjalla. Hitir tvö til sjö stig.

Þurrt verður að mestu sunnanlands og hiti sex til þrettán stig.

Á morgun er búist við norðan og norðvestan átta til 15 metrum á sekúndu, rigningu eða slyddu á Norður- og Austurlandi.

Veðurhorfur á landinu næstu daga:

Á fimmtudag:

Norðan og norðvestan 8-15 m/s, hvassast norðaustantil. Rigning eða slydda með köflum, en þurrt að mestu sunnanlands. Hiti 1 til 11 stig, hlýjast á Suðausturlandi.

Á föstudag:

Norðan 5-10 m/s, en norðvestan 10-15 við norðausturströndina. Dálítil rigning eða slydda á Norður- og Austurlandi, en annars skýjað með köflum og að mestu þurrt. Hiti breytist lítið.

Á laugardag:

Norðlæg átt 3-8 m/s, en norðvestan 8-13 við norður- og austurströndina. Minnkandi rigning eða slydda, en bjart með köflum sunnan heiða. Hiti 2 til 12 stig, mildast syðst.

Á sunnudag (hvítasunnudagur):

Fremur hæg breytileg átt og víða dálitlar skúrir, en að mestu þurrt á Norðurlandi. Hiti 3 til 11 stig.

Á mánudag (annar í hvítasunnu):

Hæg norðlæg eða breytileg átt og skúrir, einkum austanlands. Hlýnar heldur.

Á þriðjudag:

Breytileg átt og skúrir, en bjart með köflum og að mestu þurrt norðantil.