Ævin­týra­legur sumarfögnuður í Hauka­dal

Íslenska náttúran lék lykilhlutverk bæði sem innblástur og umgjörð fögnuðarins en gestir fengu handgerða blómakransa við innganginn sem settu skemmtilegan svip á kvöldið.

DJ Dóra Júlía sá um tónlistina og hélt stemningunni lifandi á meðan gestir gæddu sér á dýrindis veitingum, sumarlegum kokteilum og dönsuðu inn í bjarta sumarnóttina.

Íslensk náttúra og fjölskyldurekstur

Sóley Elíasdóttir segir að samstarfið endurspegli sameiginleg gildi sín og Elínar Svöfu Thorodssen, eiganda Hótel Geysis, þar sem hefðir tveggja fjölskyldna, sem byggðar eru á íslenskri náttúru og sjálfbærni, mætast.

„Sóley Organics byggir á náttúrulækningahefð fjölskyldunnar minnar, en Geysir hefur laðað að sér fólk í aldaraðir. Fjölskylda Elínar hefur síðan byggt upp stórglæsilega ferðaþjónustu á þessum einstaka stað. Við nýtum báðar krafta íslenskrar náttúru í okkar rekstri, og það er dásamlegt að leiða þetta saman í þessari vörulínu,“ sagði Sóley í ræðu sinni á viðburðinum.

Meðal gesta voru Nína Dögg Filippusdóttir, Selma Björnsdóttir, Rakel Garðarsdóttir, Elísabet Gunnarsdóttir, Aldís Pálsdóttir, Andrea Magnúsdóttir, heilsukokkurinn Kristjana Steingrímsdóttir, Sunneva Einarsdóttir, Ástrós Traustadóttir, Heiður Ósk Eggertsdóttir, Kolbrún Pálína Helgadóttir og Kristín Pétursdóttir, svo fáir einir séu nefndir.

Ljósmyndararnir Linda Björk Sigurðardóttir og Steinþór Rafn Matthíasson hjá Konsept Reykjavík mynduðu viðburðinn og náðu að fanga einstaka stemningu fögnuðarins.