Handbolti

Gísli Þor­geir sleppur við að­gerð

Stefán Árni Pálsson skrifar
Gísli Þorgeir Kristjánsson ræðir hér við þjálfann sinn Bennet Wiegert.
Gísli Þorgeir Kristjánsson ræðir hér við þjálfann sinn Bennet Wiegert. Getty/Marco Wolf

Landsliðsmaðurinn Gísli Þorgeir Kristjánsson þarf ekki að undirgangast aðgerð eftir meiðsli sem hann varð fyrir á öxl á dögunum.

Þetta staðfestir Gísli í samtali við Vísi. Hann meiddist eftir nokkrar mínútur þegar lið hans Magdeburg vann Lemgo í þýsku bundesligunni í handbolta um síðustu helgi. 

Gísli hefur lengi vel glímt við mikil axlarmeiðsli. Magdeburg er á toppnum í þýsku deildinni með 55 stig, stigi meira en Fuchse Berlin sem á leik til góða.

Lokaumferðin fer síðan fram um helgina. En Gísli er í kapphlaupi við tímann. Lið hans mætir Barcelona í undanúrslitum Meistaradeildar Evrópu 14. júní og óvíst er hvort hann geti verið með liðinu í þeim leik. 

Gísli hefur áður spila úrslitahelgina í Meistaradeildinni meiddur á öxl og var hann þá valinn verðmætasti leikmaður helgarinnar þegar Magdeburg vann meistaradeildina árið 2023. Það ár var hann einnig valinn besti leikmaður þýsku deildarinnar.




Fleiri fréttir

Sjá meira


×