Svona hljómar Himinn og jörð í flutningi Svölu

Svala segir viðtali hjá Ívari Guðmundssyni á Bylgjunni að hún hafi fengið leyfi frá Gunnari Þórðarsyni til að gera ábreiðu af laginu. Útkoman er nútímalegri túlkun og má heyra lagið hér að neðan.

Lagið Himinn og jörð lýsir örvæntingu og tilfinningasemi, þar sem sögumaður stendur fyrir utan hús konunnar sem hann elskar, í von um að sjá glitta í hana í glugganum. Þessi tregafulla mynd hefur snert hjörtu landsmanna í rúma fjóra áratugi um manninn sem gæfi allt, himinn og jörð, til að losa sig við feimnina svo hann geti nálgast þessa sem hann elskar.

Textann við lagið má sjá að neðan.

Himinn og jörð

Í daufu rökkri gluggatjöldin bærast hægt við gluggann þinn.

Ég sé þig bregða fyrir andartak, til löngunar ég finn

því ég bíð einn hér úti og mig langar til að komast inn

en regnið streymir látlaust niður á stétt og niður húsvegginn

við gluggann þinn.

Ég veit ég verð að herða upp hugann ástin mín

því mér er orðið kalt.

Glaður gæfi ég allt (himinn og jörð)

til að losa mig við feimnina,

glaður gæfi ég allt (himinn og jörð)

fyrir nótt í návist þinni (það er best á himni og á jörð).

Á himnum máninn hlær en þó er eins og gráti stjörnurnar.

Mig grunar að þig langi að hitta mig en hvenær eða hvar?

Æ, líttu snöggvast út um gluggann þinn og gef mér eitthvert svar.

Eitt bros frá þér mér gefa myndi kjark að freista gæfunnar,

gefðu mér svar.

Kannski ertu alein þarna inni ástin mín

og mér er orðið kalt.

Glaður gæfi ég allt (himinn og jörð)

til að losa mig við feimnina,

glaður gæfi ég allt (himinn og jörð)

fyrir nótt í návist þinni (það er best á himni og á jörð).

En nóttin er að verða svört

og myrkrið hefur öllu breytt í blautan leir.

Í brjósti mér slær hjartað ört.

Nú læt ég verða af því, Ég bíð ei meir.

Í daufu rökkri gluggatjöldin bærast hægt við gluggann þinn.

Ég sé þér bregða fyrir andartak, til löngunar ég finn.

Nú bíð ég ekki lengur hérna úti því mig langar inn

en regnið streymir látlaust niður á stétt og niður húsþökin,

nú kem ég inn.

Ég veit þú bíður þarna inni ástin mín

og mér er orðið kalt.

Glaður gæfi ég allt (himinn og jörð)

til að losa mig við feimnina,

glaður gæfi ég allt (himinn og jörð)

fyrir nótt í návist þinni (það er best á himni og á jörð).