Strákarnir hans Arnórs fara í odda­leik um bronsið

Holstebro vann fyrsta leikinn á útivelli og gat tryggt sér bronsið á heimavelli í dag.

Það tókst ekki. GOG vann leikinn 33-32 og fær oddaleikinn á heimavelli sínum. GOG var tveimur mörkum yfir í hálfleik, 16-14

Arnór Atlason, aðstoðarþjálfari íslenska landsliðsins, er þjálfari Holstebro en hann er á sínu öðru ári með liðið. Liðið er þegar búið að bæta mikið árangur sinn á milli leiktíða.

Holstebro endaði í sjöunda sætinu í deildarkeppninni í vetur en gerði enn betur í úrslitakeppninni. Í fyrra endaði Holstebro í ellefta sæti í deildinni og komst ekki í úrslitakeppnina.