Körfubolti

Mario og Jaka í æfingahópnum fyrir EM

Henry Birgir Gunnarsson skrifar
Njarðvíkingurinn Mario Matasovic er í íslenska hópnum í fyrsta skipti.
Njarðvíkingurinn Mario Matasovic er í íslenska hópnum í fyrsta skipti. vísir/anton

Craig Pedersen landsliðsþjálfari tilkynnti í dag æfingahóp sinn fyrir EuroBasket sem hefst í Póllandi í lok næsta mánaðar.

Fjórir nýliðar eru í hópnum og þar á meðal þeir Jaka Brodnik og Mario Matasovic sem fengu íslenskan ríkisborgararétt á dögunum. Hinir nýliðarnir eru ungstirnin Almar Atlason og Friðrik Leó Curtis.

Þessi hópur hefur æfingar í dag en hópurinn verður svo skorinn niður er nær dregur móti.

Fyrir utan æfingar þá verða fimm landsleikir spilaðir áður en farið verður á EuroBasket.

1.-4. ágúst fer liðið til Ítalíu og tekur þátt í móti ásamt heimamönnum, Pólverjum og Senegölum. Ísland mætir Ítalíu í fyrri leik ferðarinnar og fer það eftir úrslitum úr leik Pólverja og Senegala hvoru liðinu Ísland mætir í seinni leiknum.

12.-16. ágúst fer liðið til Portúgals og mætir þar Portúgal og Svíþjóð.

22. ágúst mætir okkar menn svo Litháen í lokaleiknum fyrir EuroBasket og verður leikið í Litháen. Þaðan verður svo farið beint til Katowice í Póllandi á EuroBasket en þangað verður liðið að vera mætt 25. ágúst.

Æfingahópurinn fyrir EuroBasket:

Almar Atlason – USA – 0 landsleikir

Frank Aron Booker – Valur – 4

Friðrik Leó Curtis – USA – 0

Bjarni Guðmann Jónsson – Stjarnan – 5

Elvar Már Friðriksson – Anwil Wloclawek, Pólland – 74

Haukur Helgi Pálsson – Álftanes – 75

Hilmar Smári Henningsson – Stjarnan – 20

Jaka Brodnik – Keflavík – 0

Jón Axel Guðmundsson – Burgos, Spáni – 35

Kári Jónsson – Valur – 35

Kristinn Pálsson – Valur – 37

Mario Matasovic -Njarðvík – 0

Martin Hermannsson – Alba Berlin, Þýskaland – 77

Ólafur Ólafsson – Grindavík – 52

Orri Gunnarsson – Stjarnan – 11

Ragnar Nathanaelsson – Álftanes – 65

Sigurður Pétursson – Álftanes – 3

Styrmir Snær Þrastarson – Belfius-Mons, Belgía – 20

Sigtryggur Arnar Björnsson – Tindastóll – 37

Tryggvi Hlinason – Bilbao, Spánn – 69

Ægir Þór Steinarsson – Stjarnan - 91

Þórir Þorbjarnarson – KR – 29

EM 2025 í körfubolta Landslið karla í körfubolta

Mest lesið


Fleiri fréttir

Sjá meira


×

Mest lesið