Myndaveisla frá troð­fullri tuttugu ára Bræðslunni

Hátíðin hefur fyrir löngu fest sig í sessi en hana ber upp helgina fyrir Verslunarmannahelgi ár hvert. Í tilefni tímamótanna var blásið til tónleika á föstudagskvöldinu þar sem Emilíana Torrini heillaði tónleikagesti upp úr skónum.

Á laugardagskvöldinu var svo komið að KK, Herra hnetusmjöri, Pálma Gunnarssyni, Jónasi Sig, Mugison, Röggu Gísla, Maríu Bóel og Elínu Hall að fara á kostum í skemmunni sem sett er upp fyrir tónleikana á hverju ári. Þá fóru Bræðslubandið og Lúðrasveit Þorlákshafnar sömuleiðis á kostum.

Eins og sjá má á myndunum sem Hafþór Snjólfur Helgason tók var stemmningin afar góð, bæði hjá tónleikagestum en ekki síður listamönnunum.