Innlent

Grímu­klæddur og ofur­ölvi í slags­málum

Samúel Karl Ólason skrifar
Alls voru áttatíu mál eða verkefni voru skráð í kerfi lögreglunnar í gærkvöldi og í nótt.
Alls voru áttatíu mál eða verkefni voru skráð í kerfi lögreglunnar í gærkvöldi og í nótt. Vísir/Vilhelm

Lögregluþjónar handtóku í nótt mann sem var grímuklæddur og mjög ölvaður. Hann hafði verið að slást í miðbænum en samkvæmt dagbók lögreglu var gat hann ekki valdið sjálfum sér vegna ölvunar og var vistaður í fangaklefa.

Talsvert var af minniháttar málum hjá lögreglunni í miðbænum og barst einnig ósk frá leigubílsstjóra eftir aðstoð, vegna ölvaðs farþega sem hann var í vandræðum með. Sá neitaði að greiða og var færður á lögreglustöð.

Fjórir gistu í fangageymslu lögreglunnar yfir nóttina.

Þá voru margir ökumenn stöðvaðir í nótt vegna gruns um að þeir væru undir áhrifum áfengis og/eða fíkniefna. Sumir þeirra höfðu áður verið sviptir ökuréttindum og reyndi einn að ljúga um hver hann væri.

Nokkrir ökumenn voru kærðir fyrir reykspól og glæfraakstur.

Lögreglumál Næturlíf Umferð Umferðaröryggi

Mest lesið


Fleiri fréttir

Sjá meira


×

Mest lesið