Innlent

Þriggja fólks­bíla á­rekstur ná­lægt Blöndu­ósi

Agnar Már Másson skrifar
Glerhált er og svartaþoka að sögn viðbragðsaðila en engar upplýsingar liggja fyrir um ástand farþega.
Glerhált er og svartaþoka að sögn viðbragðsaðila en engar upplýsingar liggja fyrir um ástand farþega. Landhelgisgæslan

Þyrla Landhelgisgæslunnar hefur verið ræst út eftir að árekstur varð milli þriggja fólksbíla á Þverárfjallsvegi í Austur-Húnavatnssýslu upp úr klukkan 16 í dag. Einhverjir hafa verið fluttir með sjúkrabíl undir læknishendur. Miklar umferðartafir eru á Norðurlandi vestra en annað bílslys varð á svæðinu á svipuðum tíma.

Hjördís Guðmundsdóttir, samskiptastjóri almannavarna, staðfestir þetta í samtali við Vísi. 

Hún segir að hópslysaáætlun hafi verið virkjuð. Samhæfingastöð almannavarna hafi einnig verið virkjuð. 

Slys urðu á tveimur stöðum upp úr klukkan 16 í dag.Umferdin.is

Fjöldi slasaðra liggur ekki fyrir. Ástand fólks sem lenti í slysinu liggur heldur ekki fyrir. 

Þverárfjallsvegur er lokaður vegna slyssins samkvæmt upplýsingum á umferðarvef Vegagerðarinnar.

Annað slys varð kl. 16.20 við Laugarbakka í Miðfirði þar sempallbíll og jepplingur skullu saman á þjóðveginum, eins og Vísir greindi frá.

Umferð Lögreglumál Slökkvilið

Mest lesið


Fleiri fréttir

Sjá meira


×

Mest lesið