Kefla­vík keyrði yfir KR í seinni hálf­leik

KR-ingar byrjuðu leikinn betur og leiddu með fjórum stigum að loknum fyrsta leikhluta.

Keflavíkurkonur tóku þór forystuna í öðrum leikhluta og voru með eins stigs forskot í hálfleik, staðan 37-36.

Í þriðja leikhluta keyrði Keflavíkurliðið hins vegar yfir KR-inga og skoraði 28 stig gegn aðeins níu stigum gestanna.

Eftir það var sigur Keflvíkinga nokkuð öruggur og liðið vann að lokum 23 stiga sigur, 86-63.

Sara Rún Hinriksdóttir var stigahæst í liði Keflavíkur með 24 stig, en í liði KR var Molly Kaiser atkvæðamest með 16.