Sinntu fimm­tán málum í tengslum við Iceguys tón­leikana

Þetta segir Ásmundur Rúnar Gylfason, aðstoðaryfirlögregluþjónn, spurður um tónleika Iceguys í Laugardalshöll á laugardagskvöld, þar sem lögregla var með eftirlit, meðal annars vegna mögulegrar unglingadrykkju.

Alls voru um fimmtán mál skráð í kerfi lögreglunnar í tengslum við tónleikana, sem flest vörðuðu ungmenni sem voru undir lögaldri. Tuttugu ára aldurstakmark var á tónleikana sem hófust klukkan 21.

Að sögn Ásmundar var haft samband við forelda eða forræðamenn þeirra ungmenna sem afskipti voru höfð af og þau sótt.

Hann segir samstarfið við tónleikahaldara og forsvarsmenn Laugardalshallar hafa gengið afar vel.

„Það var svo sem alveg við því að búast að það myndu einhverjir undir aldri reyna að komast inn en þá vorum við bara til staðar til að aðstoða þau,“ segir Ásmundur.