„Finnst við þurfa að bæta okkur alls staðar“

„Við náðum ekki að spila okkar leik og vorum að elta allan tímann. Það er erfitt. Við náum aldrei góðu mómentum í leiknum.“

Þetta var annað tap Íslands gegn Króatíu á þessu móti, en Ómar hefur engar sérstakar skýringar á því afhverju íslenska liðið á í vandræðum með það króatíska.

„Ég veit það ekki. Mér fannst bara vanta 10-15 prósent á öllum sviðum og við náum einhvernveginn ekki að leysa það sem þeir voru að gera.“

Þá segir Ómar að liðið hefði viljað meira á mótinu, þó fjórða sæti sé vissulega góður árangur.

„Já, klárlega. Það er auðvitað frábært að komast í undanúrslit, en við vildum auðvitað bæði vinna Danina og í dag, en það gekk ekki. Það er klárlega skref í rétta átt að fara í undanúrslit, en við getum bætt okkur helling og þurfum að gera það. Það er samt sem áður gott að komast í þessa lokahelgi finns mér og ég held að það muni gefa okkur helling.“

En hvaða skref þarf íslenska liðið að taka til að komast lengra?

„Mér finnst við þurfa að bæta okkur alls staðar og vera stöðugri. Þetta er of mikið upp og niður og mikill mismunur á leikjunum. Ég veit ekki hvort það sé hausinn eða einhvern tæknileg atriði. Við þurfum að skoða það aðeins,“ sagði Ómar að lokum.