Rúta full af ferða­mönnum fór út af veginum

Þetta staðfestir Einar Sigurjónsson, aðalvarðstjóri hjá lögreglunni á Suðurlandi, en mbl greindi fyrst frá.

Lögreglan og björgunarsveitir komu á vettvang á tólfta tímanum og aðstoðuðu fólkið við að komast út. Þau voru flutt á Vík í Mýrdal þar sem önnur rúta kemur og sækir þau.

Samkvæmt tilkynningu frá Landsbjörg voru ferðamennirnir fluttir í húsnæði IceWear í Vík þar sem þau fengu skjól.

Vegna veðuraðstæðna er ekki hægt að ná rútunni upp eins og stendur. 

Í gær var skafrenningur og blint svo á sjötta hundrað ökutækja voru föst undir Eyjafjöllum. Björgunarsveitir, lögreglan og bændur á svæðinu komu fólkinu til aðstoðar.

Einar segir aðstæðurnar betri en þó krefjandi á köflum. Hann mælir með, líkt og aðra daga, að ferðalangar taki mið af aðstæðum.