Erlent

Ísrael og Banda­ríkin ráðast á Íran

Jón Þór Stefánsson og Samúel Karl Ólason skrifa
Mynd frá vettvangi í Tehran.
Mynd frá vettvangi í Tehran. Getty

Ísrael og Bandaríkin hafa hafið árás á Íran. Israel Katz, varnarmálaráðherra Ísraelsríkis, staðfestir það og segir árásina fyrirbyggjandi. Donald Trump Bandaríkjaforseti segir markmiðið að koma klerkastjórninni frá völdum.

Myndir frá Tehran, höfuðborg Íran, sýna að mikinn reyk leggur frá byggingum í borginni. Samkvæmt írönskum fjölmiðlum hafa bæði orðið sprengingar í austur og norðurhluta borgarinnar, sem og í fjórum öðrum borgum.

Það helsta: 

- Árásirnar hófust rétt rúmlega sex, að íslenskum tíma, og eru þær sagðar eiga að standa yfir í að minnsta kosti einhverja daga.

- Bæði Donald Trump og Benjamín Netanjahú segja markmiðið að koma í veg fyrir að klerkastjórnin í Íran komi upp kjarnorkuvopnum og sömuleiðis vilji þeir koma stjórninni frá völdum.

- Árásir á Íran hafa legið í loftinu um nokkuð skeið, þar sem Bandaríkjamenn hafa sent umtalsverðan herafla á svæðið. Á sama tíma hafa átt sér stað viðræður um kjarnorkuáætlun Írana, sem Bandaríkjamenn hafa viljað stöðva.

- Íranar hafa skotið eldflaugum að Ísrael í morgun, eftir árásir Ísraela og Bandaríkjamanna, en umfang þeirra árása er enn óljóst.

Fylgst er með gangi mála í Vaktinni hér að neðan. Ef hún birtist ekki er ráð að endurhlaða síðunni.

Íran Ísrael Bandaríkin Donald Trump

Mest lesið


Fleiri fréttir

Sjá meira
×

Mest lesið