Eltihrellir Marin ekki talinn sakhæfur

Maðurinn sat um heimili Marin í nóvember og desember árið. Dóttir Marin var meðal annars heima þegar maðurinn hringdi dyrabjöllu og kyssti gægjugatið á hurðinni. Marin fékk nálgunarbann gegn manninum.

Dómurinn leit til sjúkrasögu mannsins þegar hann komst að þeirri niðurstöðu að hann hefði verið ósakhæfur. Hann er sagður hafa glímt við geðræn vandamál um árabil. Ekki var lagt fram nýtt geðmat í málinu, að sögn finnska ríkisútvarpsins. 

Maðurinn var einnig ákærður fyrir að sitja um aðra konu eftir að hann sá hana á heilsugæslustöð. Hluta brotanna framdi maðurinn þegar hann var talinn með skert sakhæfi. Hann hlaut fjögurra mánaða skilorðsbundinn dóm fyrir þau brot.

Marin sagði skilið við stjórnmálin eftir að Jafnaðarmannaflokkur hennar beið ósigur í kosningum árið 2023. Síðan þá hefur hún starfað sem ráðgjafi hjá stofnun Tony Blair, fyrrverandi forsætisráðherra Bretlands. Hún hefur einnig stýrt nefnd um inngildingu Úkraínu í Evrópu.