Upp­taka náðist af al­var­legu um­ferðar­slysi

Þetta staðfestir Ásmundur Kristinn Ásmundsson, yfirlögregluþjónn á Vesturlandi.

Tveir bílar lentu saman á hringveginum við Munaðarnes um klukkan ellefu í gærmorgun. Í öðrum bílnum var fjölskylda en í hinum erlendir ferðamenn. Tveir slösuðust, farþegar í sitt hvorum bílnum, annað þeirra barn. Bæði voru við meðvitund þegar þau voru flutt á brott að sögn Ásmundar. 

Þau voru flutt með þyrlu Landhelgisgæslunnar á Landspítalann í Fossvogi. 

Upptaka náðist af slysinu, sem tekin var úr öðrum bíl sem átti leið hjá og sýnir hvernig annar bíllinn fór í veg fyrir hinn.