Handbolti

Bronslið Dags Sig burstaði Sviss­lendinga í fyrsta leik eftir EM

Óskar Ófeigur Jónsson skrifar
Dagur Sigurðsson heldur áfram að gera flotta hluti með króatíska landsliðið.
Dagur Sigurðsson heldur áfram að gera flotta hluti með króatíska landsliðið. Getty/Sanjin Strukic

Króatíska handboltalandsliðið vann sannfærandi sigur í fyrsta landsleik sínum eftir að liðið vann Ísland í bronsleiknum á Evrópumótinu í handbolta í byrjun febrúar.

Dagur Sigurðsson hefur skilað verðlaunum á tveimur síðustu stórmótum og liðið ætlar greinilega að byggja ofan á það.

Króatar fengu Svisslendinga í heimsókn í þessum landsleikjaglugga og mættu þeim í vináttulandsleik í Zadar í kvöld.

Króatíska liðið sýndi styrk sinn með átta marka sigri, 34-26.

Það munaði reyndar bara einu marki í hálfleik þegar Króatarnir voru 15-14 yfir. Dagur kveikti í sínum mönnum með hálfleiksræðunni og þeir unnu seinni hálfleikinn 19-12.

Krótarar skoruðu tvö fyrstu mörk seinni hálfleiks og breyttu svo stöðunni úr 17-16 í 27-17 með frábærum kafla.

Dominik Kuzmanović varði vel að vanda í markinu en markahæstur var Ivan Martinovic með sjö mörk. Luka Cindric skoraði sex mörk. Leon Ljevar nýtti síðan öll fimm skotin sín. Manuel Zehnder var markahæstur Svisslendinga með sex mörk.

Hér má sjá tölfræði úr leiknum.

Króatía Handbolti

Mest lesið


Fleiri fréttir

Sjá meira


×

Mest lesið