Rodman í heiðurshöll WWE

WWE staðfesti tíðindin um helgina en Rodman er öllu þekktari fyrir feril sinn á körfuboltavellinum en í glímuhringnum. Hann er á meðal umdeildari leikmanna í sögu NBA-deildarinnar, þekktur fyrir skrautlegar hárgreiðslur og sérkennilega hegðun innan vallar sem utan.

Hann er talinn á meðal betri varnarmanna í sögu deildarinnar en körfuboltaferillinn var enn í blóma þegar hann reyndi fyrir sér í glímunni árið 1997 í WCW keppninni. Ári síðar skrópaði hann á æfingu á meðan úrslitaeinvíginu um NBA-meistaratitilinn stóð til að glíma við Hulk Hogan.

Glímuferlinum lauk 1999 þegar Rodman tók þátt í síðustu keppni sinni er hann barðist við Macho Man Randy Savage.

Um er að ræða aðra heiðurshöllina sem Rodman er tekinn inn í. Hann var tekinn inn í heiðurshöll NBA árið 2011.