Byrjaði á bekknum eftir að náttúran kallaði

Edwards var kynntur til leiks sem einn þeirra fimm sem áttu að vera í byrjunarliði Minnesota gegn Dallas Mavericks í NBA-deildinni í nótt.

Þegar leikurinn hófst var Edwards hins vegar hvergi sjáanlegur og reynsluboltinn Mike Conley var í byrjunarliðinu í hans stað.

Edwards kom inn á þegar tvær mínútur voru liðnar af leiknum og skoraði sautján stig á þeim 23 mínútum sem hann spilaði.

En af hverju var hann ekki í byrjunarliðinu?

„Náttúran kallaði,“ sagði Chris Finch, þjálfari Úlfanna, eftir leikinn.

Edwards hrósaði Conley fyrir að hlaupa í skarðið meðan hann var á klósettinu.

„Mike reddaði mér,“ sagði Edwards sneri í nótt til baka eftir hnémeiðsli. Vegna þeirra missti hann af sex leikjum.

Minnesota vann leikinn, 94-124. Liðið er í 5. sæti Vesturdeildarinnar með 46 sigra og 29 töp.

Edwards er þriðji stigahæsti leikmaður NBA í vetur með 29,5 stig að meðaltali í leik. Hann er á sínu sjötta tímabili í deildinni en Minnesota valdi hann með fyrsta valrétti í nýliðavalinu 2020.