Ólympíugullverðlaunahafi í á­tján mánaða bann

Lyfjaeftirlit Þýskalands greindi frá þessu á Skírdag og segir að hið bannaða efni clenbuterol hafi fundist í sýni hennar á síðasta ári.

Banninu, sem tekur mið af bráðabirgðabanni hinnar 30 ára gömlu íþróttakonu eftir að hún féll á lyfjaprófi utan keppni, lýkur 25. nóvember. Hægt er að áfrýja úrskurðinum til Alþjóða íþróttadómstólsins.

Carl, sem vann gull í liðaspretti og silfur í boðgöngu á Vetrarólympíuleikunum 2022, missti af leikunum í Mílanó og Cortina á þessu ári.

Skíðasamband Þýskalands hafði krafist sýknu fyrir Carl í júní og sagði að lyf sem innihéldi bannaða efnið hefði verið afhent henni fyrir mistök og að óþjálfað starfsfólk hefði pakkað þessu fyrir hana.

Carl hélt því fram að hún hefði ekki vitað að hóstalyfið sem henni var ávísað innihéldi bannaða efnið.