Meistararnir með sópinn á lofti

Stjörnukonur spila Kanalausar í þessu einvígi og hafa tapað fyrstu tveimur leikjunum.

Haukar slitu sig lausa frá Stjörnunni í seinni hálfleik í dag.

Stjarnan skoraði aðeins sjö stig í þriðja leikhlutanum og þar með fór leikurinn frá þeim.

Sautján stiga sigur Hauka varð svo staðreynd að lokum, þrátt fyrir að besti varnarmaður ársins, Sigrún Björg Ólafsdóttir, hefði ekkert spilað.

Amandine Justine Toi var stigahæst hjá Haukum með 33 stig, auk þess að grípa 3 fráköst og gefa 7 stoðsendingar.

Liðin mætast aftur næsta miðvikudag á heimavelli Hauka.