Tryggvi góður en liðið tapaði leik sem þurfti að vinnast

Bilbao tók á móti BAXI Manresa á heimavelli, liði sem var neðar í töflunni. Bilbao varð að lokum að sætta sig við fjögurra stiga tap, 80-84.

Tryggvi Snær átti samt fínan leik, skoraði 10 stig á 22 mínútum, tók 5 fráköst, gaf 4 stoðsendingar og varði eitt skot. Hann tróð boltanum tvisvar í körfuna.

Fyrir umferðina sat Bilbao í níunda sæti og þar með fyrir utan úrslitakeppnina. Þetta var annað deildartap liðsins í röð og það þriðja í síðustu fjórum leikjum.

Ekki beint gengið sem er að fara að skila liðinu einu af átta efstu sætunum og þar með farseðli í úrslitakeppnina.