Margt í mið­borginni og ann­ríki hjá lög­reglu

Brotist var inn í verslun í miðborginni og peningakassa stolið. Þá voru rúður brotnar í öðru húsnæði og farið inn en engin merku um að eitthvað hafi verið tekið. 

Einn var handtekinn vegna innbrots í heimahús í póstnúmerinu 105. Viðkomandi var í annarlegu ástandi sökum fíkniefnaneyslu og vistaður í fangageymslu.

Tveir voru handteknir í Hafnarfirði vegna slagsmála. Þá var ökumaður stöðvaður í sveitarfélaginu, sem reyndi að komast á undan á hlaupum. Lögreglu tókst að ná í skottið á honum og var hann handtekinn.

Annar ökumaður var stöðvaður í póstnúmerinu 109. Hann var undir áhrifum og neitaði staðfastlega að gefa upp nafn og kennitölu. Var hann því handtekinn og fluttur á lögreglustöð. Þegar manninum var flett upp reyndist hann réttindalaus.