Martin stiga­hæstur og tryggði odda­leik

Alba Berlin náðu að knýja fram oddaleik í 8-liða úrslitum úrslitakeppni þýsku úrvalsdeildarinnar. Martin gegndi lykilhlutverki í leiknum og var stigahæsti leikmaður Alba Berlin með 19 stig og tók eitt frákast. 

Leikurinn var jafn í hálfleik 44 - 44 en Alba Berlin kom sterkari til baka í seinni hálfleik og náði góðri forystu. Leikurinn endaði 85 - 79 fyrir Alba Berlin. 

Lokaleikur einvígisins verður spilaður á miðvikudaginn og verður Martin að halda áfram að spila vel svo hann fari ekki snemma í sumarfrí. Alba Berlin endaði þýsku deildina í öðru sæti en Vechta í því sjöunda. Það væri því svekkjandi að detta út strax.