Martin lentur undir í úrslitaviðureigninni

Bæði lið voru búin að vinna einn leik og var því leikurinn í kvöld mikilvægur fyrir liðin til að ná forystu í úrslitaviðureigninni. Leikurinn fór fram í Berlín þar sem Martin Hermansson, leikmaður Alba Berlin, var á heimavelli.

Leikurinn var mjög jafn framan af og oftast var aðeins ein karfa sem skildi liðin að. Eftir að leiknir voru þrír leikhlutar var aðeins eitt stig milli þeirra og því gat leikurinn auðveldlega endað báðum liðum í hag.

Í fjórða leikhluta steig Bayern Munchen upp og skoraði 30 stig á meðan Alba Berlin náði aðeins að skora 23 stig. Leikurinn endaði því með svekkjandi tapi Alba Berlin 91-83.

Martin Hermannsson spilaði 26 mínútur í leiknum en náði ekki að koma sér almennilega á strik. Hann skoraði níu stig, tók tvö fráköst og gaf þrjár stoðsendingar. Nenad Dimitrijevic, leikmaður Bayern Munchen, var stigahæsti leikmaður leiksins en hann skoraði nítján stig.

Bayern Munchen er nú komið yfir í viðureigninni en næsti leikur er spilaður í Munchen.