Körfubolti

Kefla­vík bætir við sig Bandaríkja­manni

Aron Guðmundsson skrifar
Jamir í leik með Saskatchewan Rattlers áður en hann hélt til Saskatoon Mamba
Jamir í leik með Saskatchewan Rattlers áður en hann hélt til Saskatoon Mamba

Lið Keflavíkur sem spilar í Bónus deild karla í körfubolta hefur borist liðsstyrkur fyrir komandi tímabil hér heima. Bandaríkjamaðurinn Jamir Chaplin er orðinn leikmaður liðsins. 

Frá þessu greina Keflvíkingar í færslu á samfélagsmiðlum núna í morgun en Jamir  er 25 ára gamall bakvörður, 196 sentímetrar á hæð og spilaði síðast með liði Saskatoon Mamba í CEBL deildinni í Kanada sem er efsta deild þar í landi..

Jamir á að baki feril í háskólaboltanum í Bandaríkjunum þar sem að hann lék bæði með South Florida og Little Rock.

Jamir spilaði 21 leik með Saskatoon Mamba á síðasta tímabili í CEBL deildinni og var að meðaltali með um 15 stig í leik. Tímabilið þar áður hafði hann spilað með Sakatchewan Rattlers í sömu deild.

Bónus-deild karla Keflavík ÍF

Mest lesið


Fleiri fréttir

Sjá meira


×

Mest lesið