Liver­pool og City muni ekki berjast um titilinn

Manchester City, sem er á sínu fyrsta tíma­bili undir stjórn Enzo Mares­ca eftir brott­hvarf hins sigursæla Pep Guar­diola, hóf tíma­bilið á endur­komu­sigri gegn Bour­nemouth á heima­velli í gær á meðan að Liver­pool, í sínum fyrsta deildar­leik undir stjórn Andoni Ira­ola gerði 2-2 jafn­tefli gegn New­cast­le United á úti­velli.

Nevil­le á erfitt með að sjá City og Liver­pool skáka Arsenal á tíma­bilinu en Arsenal hóf titilvörnina á öruggum 3-0 sigri gegn Coventry City í opnunar­leik deildarinnar á föstu­daginn síðastliðinn.

„Arsenal ætti að vinna þessa deild með ein­hverjum mun. Við erum búin að sjá Totten­ham tapa, Manchester United tapa, Liver­pool næstum því tapa og Manchester City lenda í basli með að ná í sinn sigur á heima­velli. Allt það sem við töldum að við værum að fara sjá fyrir tíma­bilið er að raun­gerast,“ sagði Nevil­le í hlað­varpi sínu The Gary Nevil­le Pod­cast á Sky Sports.

„Það er þetta ófyrir­sjáan­lega eðli þessara liða á toppnum, að þau séu ekki nægi­lega góð til þess að fylgja á eftir því sem þau voru að gera á síðasta tíma­bili og tíma­bilin þar áður. Tapa á móti liðum sem eru vel skipulögð eins og Brent­ford og Hull sem og fleiri lið.“

Staðan hjá Liver­pool sé sú sama og hjá Manchester City.

„Þetta Liver­pool lið er hvergi nærri gæða­stigi hjá ensku meistara­liði. Þeir munu þurfa að leggja mikla vinnu í þetta.“

„Þá er Manchester City vel frá þeim stað sem liðið þarf að vera á. Það að missa Rodri frá sér er mikið högg,“ og á Neville þar við brotthvarf miðjumannsins Rodri til Barcelona en Rodri hefur verið einn af lykilpóstunum í sigursælu liði Manchester City undanfarin ár.