Innlent

Kílómetragjaldið hækkar

Oddur Ævar Gunnarsson skrifar
Kílómetragjaldið var innleitt á alla bíla í upphafi ársins.
Kílómetragjaldið var innleitt á alla bíla í upphafi ársins. Vísir/Vilhelm

Lagt verður til að kílómetragjald á ökutæki auk bifreiðagjalda verði hækkuð samkvæmt nýju fjárlagafrumvarpi sem kynnt var í morgun. Kílómetragjald var kynnt til sögunnar í upphafi þessa árs og kom í staðinn fyrir skatta á eldsneyti.

Daði Már Kristófersson fjármálaráðherra kynnti nýtt fjárlagafrumvarp í morgun. Stefnt er að því að ná fimm milljarða afgangi og skila hallalausum fjárlögum í fyrsta sinn síðan árið 2019. Meðal þess sem fram kemur í nýju frumvarpi er hækkun kílómetragjaldsins.

„Lagt verður til að kílómetragjald á ökutæki hækki um 15,9%, þ.e. 5,2% í samræmi við forsendur fjárlagafrumvarps fyrir árið 2027 auk 4. ma.kr. tekjuauka til samræmis við markmið um að tekjur af ökutækjum og eldsneyti nemi 1,7% af VLF,“ stendur í fjárlagafrumvarpinu.

Þá verður lagt til að bifreiðagjald hækki um 5,2 prósent, eða því sem nemur verðbólgu. Segir í fjárlagafrumvarpinu að tekjur af ökutækjum og eldsneyti á árinu 2027 séu áætlaðar um 89 milljarða króna eða 1,6 prósent af vergri landsframleiðslu.

„Tækniframfarir og hröð orkuskipti hafa kallað á nýja nálgun í skattlagningu ökutækja og eldsneytis. Með upptöku kílómetragjalds og afnámi bensín- og olíugjalda í ársbyrjun var tekið upp sanngjarnara kerfi þar sem greiðslur vegna aksturs eru tengdar notkun á vegakerfinu. Frumvarpið gerir ráð fyrir að kílómetragjald hækki um 4 ma.kr. umfram verðlagsuppfærslu en undanfarin ár hafa stjórnvöld leitast við að styrkja tekjustofna af ökutækjum og gegnir kílómetragjaldið þar lykilhlutverki.“

Fjárlagafrumvarp 2027 Kílómetragjald Bílar Fjármál heimilisins Skattar, tollar og gjöld Ríkisstjórn Kristrúnar Frostadóttur Alþingi

Tengdar fréttir

Bankaskattur hækkaður um 75 prósent

Áformað er að hækka bankaskatt úr 0,145 prósentum í 0,254 prósent eða því sem nemur rúmlega 75 prósenta hækkun í nýju fjárlagafrumvarpi. Með þessu er áformað að styrkja tekjugrunn ríkissjóðs.

Ferðamenn verða rukkaðir um aðgang að ferðamannastöðum

Ríkisstjórnin hyggst kynna nýja gjaldtöku á ferðamannastöðum sem felur í sér að ferðamenn verða rukkaðir um sérstakan aðgöngumiða. Fjármálaráðherra segir um að ræða fyrirkomulag sem þekkist víða annars staðar en með þessu á að afla fimm milljarða króna til ríkissjóðs.

Mest lesið


Fleiri fréttir

Sjá meira


×

Mest lesið