Fótbolti

Drauma­byrjun Alberts sem reyndist hetja Lazio

Aron Guðmundsson skrifar
Albert var ekki lengi að opna markareikninginn með Lazio. Hér er hann eftir leik með liðsfélaga sínum Kenneth Taylor fyrir framan stuðningsmenn Lazio sem fjölmenntu á útivelli
Albert var ekki lengi að opna markareikninginn með Lazio. Hér er hann eftir leik með liðsfélaga sínum Kenneth Taylor fyrir framan stuðningsmenn Lazio sem fjölmenntu á útivelli Vísir/Getty

Albert Guðmundsson var hetja Lazio í sínum fyrsta leik með félaginu í 2-1 sigri gegn Udinese í ítölsku úrvalsdeildinni í kvöld. Það tók Albert aðeins átta mínútur að skora sitt fyrsta mark fyrir Lazio.

Íslenski landsliðsmaðurinn er á láni hjá Lazio frá Fiorentina út tímabilið og var á meðal varamanna í leik kvöldsins gegn Udinese á útivelli.

Í stöðunni 1-1 ákvað Genaro Gattuso, þjálfari Lazio að setja Albert inn á í leit að sigurmarki á 80. mínútu.

Albert greip tækifærið svo sannarlega því aðeins um átta mínútum eftir að hafa komið inn á skoraði hann sigurmark Lazio með föstum skalla eftir stoðsendingu frá Danilho Doekhi.

Mark Alberts, sem og allt það helsta frá leik Udinese og Lazio má sjá hér fyrir neðan.

2-1 sigur Lazio staðreynd. Draumabyrjun Alberts hjá félaginu. Með sigrinum er Lazio komið upp í þriðja sæti ítölsku úrvalsdeildarinnar og er þar með fullt hús stiga eftir þrjár umferðir og sama stigafjölda og topplið Roma.

Ítalski boltinn Fótbolti Íslendingar erlendis Landslið karla í fótbolta

Mest lesið


Fleiri fréttir

Sjá meira


×

Mest lesið